رفضوا نقلته: وفاة القاضي فاضل عاشوري في حادث مرور وهو يأكل قطعة “خبز وجبن”

0

المنبر التونسي ( فاضل عاشوري ) – توفي القاضي فاضل عاشوري وكيل رئيس بالمحكمة الابتدائية بتوزر في حادث مرور وهو في طريقه إلى عمله بمحكمة تورز.
وكتبت القاضية انيسة تريشيلي الجبالي أن الفقيد طالب في أكثر من مرة بنقلته ليكون قريبا من عائلته وقوبلت مطالبه بالرفض.
وفي ما يلي نص التدوينة.
“مات فاضل
مات و هو يجري وراء الخبزة المرة
16 سنة ينافي بين الولايات الحدودية و يعيط نقلوني قربوني ..
مات و لتو لا رضاو عليه و لا على مرتو و صغيراتو ..
مات ياكل في طرف خبز و جبن يحب يروح لمرتو و صغيراتو ..
عيط صاح حسب عليهم ربي قال تظلمت بكا نوح زادو بعدوه 100 كلم أخرى .. اخدم و الا طير قرنك ..
هاو مات ارتاحو .. ما عادش بش يقلقكم .. أما مرا صغيرة و زوز صغار و اميمة يبكيو علي فاضل دم ..
فاضل مات .. تنجمو ترقدو و ترتاحو و تشبعو بالنوم معادش بش يكتب على صفحتو حسبي الله و نعم الوكيل فيكم ..
فاضل مات و معادش بش يكتب دموع صغاري و دموع مرتي جمر عليكم ليوم الدين..
ارتاحوا .. فاضل مات معادش بش يقلكم راكم ظلمتوني ..
ارتاحو فاضل مات ..
عليك ألف رحمة خويا الفاضل و ربي ما يضيعش صغيراتك ..
يرحمك و يبرد ثراك .يرحمك يا فاضل”.

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.