فقدت أصدقائها في فاجعة عمدون : أميمة الناجية تنشر رسالة مؤثرة وتروي اللحظات الأخيرة(صور)

0

المنبر التونسي(فاجعة عمدون) – نشرت أميمة التي نجت من حادثة عمدون رسالة مؤثرة بعد أن فقدت صديقتها في حادث انقلاب حافلة بين عمدون وعين دراهم.
وفي ما يلي نص الرسالة المؤثرة:
” في صبحيّة كرّت عليا للات البيّة باش نخرج معاها في رحلة نبدلو بيها الروتين و نخرجو من الجوجمة و الجو الرزين ، قمت فوق من قلبي ما كنتش حابّة أما عطيت كلمتي لصحابي و لازمني نكون حاضرة ، حضرت الساك و الماكلة و شديت الثنيّة و عرضتني للاّ البيّة تحمل و تبوس فيّا .. ”
-وينك يا فرخة ها الغيبة ”
“-يا أختي الدنيا عاكسة و ولاّت صعيبة”
نهرّو نهرّو لين وصلنا للبلاصة طلعنا في الكار و ركبنا من قدام خاطر خواطري فيسع ما تدور و تولي ردان ،
حملتني و تكات عليا ّ قتلها شنوّة بديناها من أوّل الثنية ؟
قتلي راني مصبحة و ماجانيش النوم قتلها خوذ راحتك المفيد بعد قوم نسمع في صياح و تكبير يا أختي شنوة إلي قاعد يصير ؟
بعد نشوف كان في الكار تطير غمظت عيني و شهدت و قلت الي باش يصير خلي يصير
فقت بعد مدة نشوف في برشا عباد و نلوج عليك بعينيا أكيد هي مازالت معايا حيّة وينك طلّ عليا راو الثنية مازالت طويلة وينك ؟ موش كنت قاعدة حذايا هاك مافماش ؟ و صوتك ما علاش زعما دايخة موش تسمع فيا ؟ راو الدنيا ظلامت في عينيا و مانيش قاعدة نرى نسمع في عباد يبكيو و مرى كبيرة تواسي فيا ..وينك جاوبني نعرفك قويّة ..
نعرف الي شيء ما يهدنا كان ربي و رضاية الوالدين ، قعدت نستنى فيك باش تقلي انتي وين لين جاني خبرك و قالولي راو ماتت تمنيت انا نهبطك في قبرك و ندفنك انا و خواتك ..
أنا ليوم في عمري جمعة و نهار اما باش نعيشهم معاك حتى و انتي ميتة . إنشاء الله مثواك الجنة
قدر الله و ما شاء فعل و الحمد لله على العمر الجديد “.

(Visited 751 times, 1 visits today)

LEAVE A REPLY

Please enter your comment!
Please enter your name here