زازا تكشف .. وترد على بية الزردي: “ابعدني”..

0

المنبر التونسي (زازا) – ردت الفنانة زازا على الاعلامية بية الزرديبعد حادثة تمزيق الصورة، وقالت “أنا نقلها ابعدني، وراني سخفت عليها كي ريت الناس جاوبوها من فنانين وعازفين…”.

وتابعت زازا في برنامج Abdelli_Big_Show ” كان جيت مانحترمش المشاهدين نعمل لي عملتو بية، اما انا ضد العنف وأنا بنت مرا إسمها سامية ومنحبش نوجع أمها لي تتفرج فيا، رغم لي هي وجعت أمي باللي عملتو ومانعملش لي عملتوا، خاتر هي حبت تعمل البوز …نموت ونعرف شنية مشكلتها معايا.. أنا منحبش نوجه لبية حتى رسالة، أما راني إنجم نطيح في المستوى أما أنا بش نقدرها خاترها أكبر مني”.

وأضافت “أنا الحوار التونسي داري قبل متكون دار بية، وأنا كان نحكي مع مسؤولي القناة ولا نرفع قضية نربحها، مرا مسلمتش منها حتى من نعيمة الجاني وحتى ماللي جابها للحوار دارت عليه… بية لاقدرت أمي، بابا، راجلي، ولا ولدي واللي يحبوني وطيحت المستوى.. أنا نقلها إبعدني، وراني سخفت عليها كي ريت الناس جاوبوها من فنانين وعازفين… اليوم زازا وغدوة شكون… تصويرتي وتقطعها..أنا مانقطعش تصويرتها”.

ترك الرد

من فضلك ادخل تعليقك
من فضلك ادخل اسمك هنا