العياري:”الاحتكار الوحيد في تونس احتكار رئيس الجمهورية للدولة والسلط”

0

المنبر التونسي (ياسين العياري) – انتقد النائب بمجلس نواب الشعب المعلقة اختصاصاته ياسين العياري، حديث رئيس الجمهورية قيس سعيد عن الاحتكار والمضاربة وارتفاع الأسعار.

واعتبر ياسين العياري، أن الاحتكار الوحيد في تونس ”احتكار رئيس الجمهورية للدولة والسلط والدستور و حطان ناس تدين بالولاء الشخصي في كل مسالك الدولة”.

وكان رئيس الجمهورية، قد أكد أمس الأربعاء على ضرورة التّصدي لكل مظاهر الاحتكار والمضاربة وإيجاد إطار قانوني لمسالك التوزيع، خاصة بعد أن تعمّد البعض، في الفترة الأخيرة، تخزين مواد غذائية وأخرى ذات علاقة بقطاعات البناء والصحة وغيرها من المجالات.
وأشار سعيّد، خلال استقباله، وزيرة التجارة وتنمية الصادرات، فضيلة الرابحي بن حمزة إلى أن الجميع سواسية امام القانون وأن كلّ من يعتقد أنه بإمكانه التخفي وراء جهة معيّنة سيتحمّل المسؤولية مع الجهة التي تتستّر عليه بل وتعمل، كذلك، على مزيد توتير الأوضاع الاجتماعية ومزيد التنكيل بالمواطنين في حياتهم اليومية.

ونشر العياري التدوينة التالية:

تعرفوه هاك الي يعرف درس واحد، مهما يكون الموضوع، يصبو و يخرج؟
نعرف شكون، محضر كان درس “الإحتكار”.
ترتفع أسوام المواد الأولية، في عالم كامل؟ لا لا السياسيين يعملو في  الإحتكار!
الحديد عالميا سومو طار؟ إحتكار! الحديد في دبوات سنكشفها في اللحظة الحاسمة!
أسوام النفط عالميا قاعدة تغلى لين بلدان كيف أمريكا و اليابان تلزت تمس مخزونها الإستراتيجي؟ إحتكار!
أسوام القمح غلات عالميا، خاطر صابة كندا و أكرانيا موش هوما؟ لا لا ما تحكيلي حتى شي، نفهم كان الإحتكار و مسالك التجويع و التفليع و الترييع و التنويع!
باهي، هاو الدواء ما ثماش، تجيب فيه كان الصيدلية المركزية، بالك خاطر البلاد فالسة و الصيدلية ما خلصتش ديونها فما عادش المخابر تزود فيها؟ لا لا! موش هكة! تلقاه إحتكار و مسالك ندرى شنية ودبوات عند سياسيين، هاذوكم الي خذاو 500 مليون دولار و سنكشفهم عندما تأتي اللحظة.
باهي، وسع بالك، هاك شفت البطاطا بالتفرفيش و التفرفيط متاعك، زادت غلات جدا، راهو موش هكة الإقتصاد!
خونة، مأجورين، حشرات، مؤامرات، من أنتم من انتم..
الإحتكار الوحيد هو إحتكارك للدولة و السلط و الدستور و حطان ناس تدين بالولاء الشخصي في كل مسالك الدولة، و إش عملت بيه الإحتكار هذا؟
حتى شي! عزلة دولية على عماء إقتصادي على صمم سياسي على بكم حكومي على شلل في كل شيء!
لا، الغلطة ليست غلطة الإحتكار، الغلطة الي يحكم في كل شيء، واحد ماهوش فاهم حتى شنوة الإحتكار!
حطان راسك في الرمل، دخولك في هستيريا و إتهام الإنس و الجن و الأوس و الخزرج، لن يحل مشكلة واحدة لهذا البلد!
ما تزيد علي سبقوك شيء، كيفك كيفهم، كان الحديث و الفشل و إتهام غيرك بما فيك، لإخفاء على من مزال ما فاقش، إنه البلاد تنهار على كل المستويات و إنت ما فاهم شي…حافظ كان درس “الإحتكار”!

ترك الرد

من فضلك ادخل تعليقك
من فضلك ادخل اسمك هنا