المنبر التونسي (لزهر الضاوي)-تحت عنوان “صبايحية الماريكان.” ،نشر الشاعر الشعبي الملتزم لزهر الضاوي ، مساء اليوم السبت ، القصيدة الساخرة التالية :
“صبايحية”..”صبايحية”..
صبايحيةْ ” آخر زمان”..
“متاع فرانسا “..قعدوا لتالي..
وجونا “متاع الماريكان”..
ينادوا على “بايدن” بالعالي..
“بايدن”.. يا “عظيم الشان”..
يا “عمي”.. انت.. يا”خالي”..
يامتاع “حقوق الانسان”..؟؟!!
يا”خونا”.. “ماعنّا والي”..
ارحمنا رانا ..”اخوان”..”؟؟
ارحمنا.. رانا “الرعية”..
وجار علينا ها “السلطان”..
و”تونسْهم”.. هاذي” مدعيّة”..
ما صارت تقبل” خِيّان”..؟؟!!
وتحكي باسم “المشروعية”..
وصارت تكفر ب ” الرجعية”..
عجّل.. ردّلْنا “الشرعية”..
ورجّع لينا “البرلمان”..؟؟؟
“صبايحية”..”صبايحية”..
يا “بايدن” رد التحية..؟؟
يرضيك نروحو ضحية..
و”الشعب المارق”.. يطمان..؟؟
واحنا أقسمنا على خلاها..
واغتلْنا اللي عجبو هْواها..
ومستحيل “تبرَى من داها”..
الا ..بخراب ” الاوطان”..؟؟!!
جينالك وبيك كبّرنا..
عجّل.. يا “راجل” وانصرنا..
لايثور الشعب يدمرنا..
ونمشو في فوهة بركان..؟؟؟
صبايحية ..صبايحية..
صبايحية .. “متاع ماريكان”..!!!
قصيدة ساخرة للشاعر لزهر الضاوي تحت عنوان “صبايحية الماريكان” ..
0
آخر الأخبار
توقيع اتفاق بين الحكومة التونسية ونظيرتها البحرينية بشأن تبادل قطعتيْ أرض...
المنبر التونسي (توقيع اتفاق بين الحكومة التونسية ونظيرتها البحرينية) - أشرف كاتب الدولة لدى وزير الشؤون الخارجية والهجرة والتونسيين بالخارج، منير بن رجيبة، بمقرّ الوزارة، على مراسم توقيع اتفاق