المنبر التونسي(عاطف بن حسين) – نشر المخرج والممثل عاطف بن حسين تدوينة على صفحته الرسمية على شبكة التواصل الاجتماعي وجهها لزوجته بخصوص قضيته ضد قناة الحوار التونسي.
وقال بن حسين ان يوم غد هو يوم الحسم في قضيتهما ضد قناة الحوار التونسي.
وفي ما يلي نص التدوينة:
مريومتي غدا يوم حاسم في قضيتنا ضد الحوار .. في الحقيقة قضيتك انت ،،، انت الي حلمت باش تكون منتجة بقرايتك و بعلمك ،، بثقافتك و.تربيتك و غرامك بالفن … دخلت لعالم أنا بيدي ما كنتش نتصور الي هو عالم وحوش مسيبة و مع ذلك انتصرت و كملت مسيرة شريكة انتاج هي اليوم من انجح شركات الانتاج الي تخدم في الفن … نعرف قداش تعبت و قداش ضحيت وقتها باش كملت مسلسل ربي وحدو يعرف كيفاش كمل …
نعرف الي انت تصدمت من الناس الي خدمت معاهم و ما ساندك.حتى حد بالعكس ما خلاوا ما قالو و ما خلاوا ما عملو .. الله غالب نهارة الي صبينا القضية كنا نعرفو النتيجة هذي و نعرفو الي يشكي بالقناة هذيكة شنوة يصيرلو ،، أما عمرنا ما وخرنا و كانت ثيقتنا كبيرة في محامينا و في بعض رجال تونس الشرفاء …. لقينا سند من خارج المهنة و انا نعرف علاش المهنة ولات متاع ناس ضعفاء خبزيستية يخافوا حتى باش يدافعوا على حقوقهم ،،،
غدوة جلسة تاريخية و الملف اليوم كامل و حقنا ضاهر و لا غبار عليه … و خاصة بعد الي صار هاك شفت و تونس كاملة شافت عركتنا مع شكون و شكونهم الناس الي تحيلوا علينا …
حتى حد ما سهر معانا الليل و خاف معانا كيما خفنا على حياتنا و مستقبلنا و أولادنا ،،، حتى حد ما حس الي حسيناه و حتى حد ما صدقنا كيف طرحنا قضيتنا …. و فمة شكون اتهمنا بالتحيل على القناة الاولى في البلاد …. التاريخ ما يرحمش عزيزتي و الحق و القانون لا يعلو عليهما …
قاومنا بالحب،،،، بمحبتنا لبعضنا و بايماننا ببعضنا و بحقنا الي مستحيل يضيع و انا مازلت مستعد لأكثر ملي تتصور ….
غدوة نحبك تستنى خبر مفرح في القضية حتى كان مازلنا ما خذيناش حقنا توة ناخذوه ما عنا من شنوة خايفين ،، أحنا و الخوف خطان متوازيان لا يلتقيان أبدا و.كيما يقول نجم “الخوف كان من ربي ”
أحنا عمرنا لا تشمتنا في حد و لا عمرنا تمنينا الخايب لحد و الي يعرفنا و دخل لدارنا و شاف بساطة عيشتنا يأكد هذا الكل ،،،،
سنواصل المسيرة ببرشة أمل في غدوة خير لينا و لأولادنا ،،، عاشت تونس و عاش رجال تونس الشرفاء و عاش الفن حرا من الكناترية و الخبزيستية البيوعة
