عاطف بن حسين يفضح القنوات التلفزية “القلابة” والمتحيلة

0

المنبر التونسي(عاطف بن حسين) – نشر المخرج والممثل عاطف بن حسين تدوينة على صفحته الرسمية على شبكة التواصل الاجتماعي تحدث فيها عن القنوات التي لم تقم بدفع مستحقات بعض المنتجين، من بينها قناتي التاسعة والحوار التونسي.
وفي ما يلي نص التدوينة:

هذي قائمة في المنتجين الي خدموا للقنوات التلفزية الي قلبتهم و تحيلت عليهم
• مريم بن الحاج أحمد ، شركة نوارة تونس ، مسلسل لمنارة ، قناة الحوار التونسي
• نجيب عياد (الله يرحمو) شركة الضفاف ، مسلسل فلاش باك 1 تحيلت عليه قناة الحوار التونسي و ادعت انو المسلسل ما حابش اشهار و خسر ما يقارب 800 مليون و.كيف عمل الجزء الثاني لقناة التاسعة قلبتو و ما خلصتوش
• ماقي ، مجدي السميري ،، سيتكوم بوليس و مسلسل ليلة الشك مع قناة التاسعة
• عبد العزيز بن ملوكة CTV ,مسلسل الأكابر ، قناة حنبعل
•خالد فنيش و سليم حفيظ ، مسلسل حكايات تونسية ، تحيلت عليهم قناة الحوار و شبكتهم في بعضهم و خسرنا زوز منتجين كانوا ينجموا يعملوا برشة مسلسلات
• رانيا مليكة ، مسلسل شورب1 و شورب2 قناة التاسعة ما خلصوهاش و خلاوها تعاني في مئات الملايين و ماعادش يهزوا عليها التاليفون أصلا ،، مع العلم أنو قناة التاسعة في الباب متاعها deux portiers ما يخليوكش تدخل كان بموعد ماكانش ينجموا يهرسوك قدام الباب
• عماد مرزوق ، شركة بروباقندا ، مسلسل القضية 460 ، قناة التاسعة ،،
• الخوماضة الكبيرة الي صارت بين منتج مسلسل الريسك و.حنبعل ،، و في الأخير أكثر من نصف الي خدموا في المسلسل ما خلصوش و.هرب المنتج من تونس و بعد رجع خلص كان الشيكات و عمللنا مسلسل مشاعر و توة يصور في الجزء الثاني و برشة ناس ماهيش خالصة و ما كلموا حتى حد
• سلسلة الرئيس ، قناة التاسعة ، ما خلص حد ،، القناة تقول خلصت المنتج و المنتج يقول القناة ما خلصتنيش
•رانيا القابسي ،سلسلة سكول، تعرضت لعملية تحيل من برشة قنوات و.حكايتها طويلة و توقفت على الشيكات جات تعمل في الفن لقات روحها في بوفردة كان ما وقفولهاش الأصحاب
هذي قائمة صغيرة نعرف الي هي أطول و الي يعرف حالات أخرى يزيدها و.مع ذلك لليوم تلقى منتجين يمشيو للقنوات هذي و يعملولها مسلسلات و يروحوا فرحانين ،ههههههه ذر تتناقز ….
مع العلم ما حكيتش على منتجين الرياضة و البرامج و الطبخ و وووووووووو
قنوات قلابة في انتظار فتح الملفات ….

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.