المنبر التونسي (بسمات) – نشرت الأم العزباء بسمات، التي افتكت منها الدولة رضيعها ووضعته للتبني تفاصيل جديدة في قضيتها.
وقالت أن ابنها قد تم تسليمه إلى عائلة في فرنسا مقابل 200 الف دينار.
ونشرت بسمات صورة العائلة المتبنية للطفل
بعد امتناعهم على الرد عليها…
وهذا ما كتبته:
قلت توا وحدهم يسمعو و يرجعولي ولدي والا عالاقل يكلموني مانهبطش تصويرة وجوههم….أما توا أنا حاربت حاربت..و توصل وين توصل أنا هاني هنا وراني بش نحارب لاخر نفس فيا و مدام انتوما بسلطتكم و بقوة فلوسكم ايجاو كملو اقتلوني توا وقتها ينفض كل شي…الدولة هزتلي ولدي خاطرني يتيمه و ماعارك عليا حد عجزوني خاطر ماعنديش دار و خدمه قاره خاطر ماعنديش كتاف وانتوما كملتو الي عملوه هوما هزبتولي ولدي لفرنسا و بالقوه و تعرفو الي أنا حيه هزيتوه و عيني تغزر أما منلومكمش ماجربتوش الكبده كي تتحرق
فرحانين بحاجه مش متاعكم هذاكا ولدي و الزين هذاكا متاعي أنا وحدي ماتشروهوش بفلوس الدنيا فرحتكم اقسم بالله ماتدومش راني مانيش مسلمه و عمري مانسلم
مش على خاطر فقيره مانعيشش و ولدي يتهز مني و مش على خاطر فقيره تسرقو مني اغلى حاجه ملكتها أنا مدامني حبلت 9 شهور و شعرت و رضعت نستحق نكون أم و نستحق نعيش الامومه كيما نحب أنا
مانيش مسلمه تحبوني نسلم اقتلوني كيما تحبو تقتل الامومه الي فيا
هذوما الي هزولي ولدي و تبناووه قصرا..الي يعرفهم يحكي معاهم بلي يحبو هوما
#بسمات
