سنية الدهماني : القناة الوطنية والحوار وبسام الحمراوي ضحايا جشع خولة سليماني

المنبرالتونسي(سنية الدهماني) – تدخلت المستشارة القانونية لقناة الحوار التونسي سنية الدهماني على Ifm .
وهذا أبرز ما قالته:
الحوار التونسي قدمت قضية استعجالية للمحكمة وقبلها تقدمت بشكاية للهايكا لكن ردة فعلهم جات مخر شويا بالتدخل بالصلح بين الحوار التونسي والتلفزة الوطنية وصارت جلسة وغابت فيها منتجة المسلسل لكن ماتوصلوش لحل والقضاء خذا مجراه. ومزلنا منعرفوش شنوة باش يصير مبعد هل باش يقع استئناف القرار من طرف التلفزة الوطنية أو باش يلقاو حل ودي ، ونحن نؤكد أن باب الحوار التونسي مفتوح وماناش ضد الصلح ولكن لحقيقة ماتمكناش من هذا . الحوار التونسي من حقها تقدم القضية هاذي على خاطر صارت قضية سطو على مسلسل شريكة في إنتاجه …أحنا في قناة الحوار التونسي عندنا عقد يربطنا بالشركة المنتجة للمسلسل ولهذا من حقها ليوم أنها تبث المسلسل ولكن لازمنا نشوفو حيثيات الحكم إلي صدر هل إنو قرار المنع على الكل ولا على الوطنية فقط باش نفهمو ما إلينا وما علينا ولكن الأكيد إنو موش باش يتعدى على الوطنية .
اليوم ولا غدوة ناخذو نسخة من الحكم ونشوفوا قرار المنع وكيفاش وصلت للقرار هذا الدائرة الاستعجالية ثم نقرر.