ﻓﻲ ﺭﺳﺎﻟﺔ ﻧﺎﺭﻳﺔ ﻭﺟّﻬﻬﺎ ﻟﺸﻴﺮﺍﺯ ﺍﻟﻌﺘﻴﺮﻱ : ﻣﺤﻤﺪ ﺯﻳﻦ ﺍﻟﻌﺎﺑﺪﻳﻦ ﻳﺮﺩّ ﺍﻟﻬﺠﻮﻡ ﻭﻳﺘﺤﺪّﺙ ﻋﻦ ﺍﻟﺜﻘﺔ ﻭﺍﻟﺪﻳﻮﻥ ﻭ ” ﺍﻹﺑﺎﺩﺓ ﺍﻟﺠﻤﺎﻋﻴﺔ ” ﻟﻜﻔﺎﺀﺍﺕ ﻭﺯﺍﺭﺓ ﺍﻟﺜﻘﺎﻓﺔ

0

المنبر التونسي (وزارة الثقافة)-ﺩﻭّﻥ ﺍﻟﻮﺯﻳﺮ ﺍﻟﺴﺎﺑﻖ ﻟﻠﺜﻘﺎﻓﺔ ﻣﺤﻤﺪ ﺯﻳﻦ ﺍﻟﻌﺎﺑﺪﻳﻦ ﻋﻠﻰ ﺻﻔﺤﺘﻪ ﺍﻟﺨﺎﺻﺔ ﺑﻤﻮﻗﻊ ﺍﻟﻔﺎﻳﺴﺒﻮﻙ ﺭﺳﺎﻟﺔ ﻭﺟّﻬﻬﺎ ﺇﻟﻰ ﻭﺯﻳﺮﺓ ﺍﻟﺜﻘﺎﻓﺔ ﺍﻟﺤﺎﻟﻴﺔ ﺷﻴﺮﺍﺯ ﺍﻟﻌﺘﻴﺮﻱ ﺍﻧﺘﻘﺪ ﻓﻴﻬﺎ ﺗﺼﺮﻳﺤﺎﺗﻬﺎ ﺍﻟﺴﺎﺑﻘﺔ ﻓﻲ ﺍﻟﻨﺪﻭﺓ ﺍﻟﺼﺤﻔﻴﺔ ﺍﻷﺧﻴﺮﺓ ﻭﺍﻟﻘﺮﺍﺭﺍﺕ ﺍﻟﺘﻲ ﺍﺗﺨّﺪﺗﻬﺎ ﺑﺸﺄﻥ ﺇﻟﻐﺎﺀ ﺍﻟﻌﺪﻳﺪ ﻣﻦ ﺍﻟﺘﻈﺎﻫﺮﺍﺕ ﺍﻟﺜﻘﺎﻓﻴﺔ ﺍﻟﻜﺒﺮﻯ ﺑﺘﻌﻠّﺔ ﺃﻧّﻬﺎ ﺗﺎﺑﻌﺔ ﻟﻠﻮﺯﻳﺮ ﺍﻟﺴﺎﺑﻖ ﻣﺘﻬﻤﺎ ﺇﻳّﺎﻫﺎ ﺑﺎﻟﻘﻴﺎﻡ ﺑﺈﺑﺎﺩﺓ ﺟﻤﺎﻋﻴﺔ ﺿﺪ ﺃﺑﺮﺯ ﻛﻔﺎﺀﺍﺕ ﻭﺯﺍﺭﺓ ﺍﻟﺸﺆﻭﻥ ﺍﻟﺜﻘﺎﻓﻴﺔ ﻭﻓﻖ ﻣﺎ ﺟﺎﺀ ﻓﻲ ﺭﺳﺎﻟﺘﻪ ﺍﻟﺘﺎﻟﻴﺔ :
ﻳﺎ ﺷﻴﺮﺍﺯ ﺍﻟﻌﺘﻴﺮﻱ :
-1 ﺍﻧﺎ ﺛﻘﺔ ﻣﻤﻜﻦ ﺗﺒﻨﻴﻬﺎ ﺑﻌﺪ ﺍﻹﺑﺎﺩﺓ ﺍﻟﺠﻤﺎﻋﻴﺔ ﺍﻟﻠﻲ ﻗﻤﺖ ﺑﻴﻬﺎ ﺿﺪ ﺃﺑﺮﺯ ﻛﻔﺎﺀﺍﺕ ﻭﺯﺍﺭﺓ ﺍﻟﺸﺆﻭﻥ ﺍﻟﺜﻘﺎﻓﻴﺔ ﺍﻟﻠﻲ ﺍﻟﻴﻮﻡ ﻳﻠﻘﺎﻭ ﺃﺭﻭﺍﺣﻬﻢ ﻣﻤﻨﻮﻋﻴﻦ ﻣﻦ ﺍﻟﻌﻤﻞ … ﺑﺘﻌﻠﺔ ﺧﺪﻣﻮﺍ ﻣﻊ ﺍﻟﻮﺯﻳﺮ ﺍﻟﺴﺎﺑﻖ؟
-2 ﺍﻧﺎ ﺛﻘﺔ ﻣﻤﻜﻨﺔ ﺑﻌﺪﻣﺎ ﺃﻟﻐﻴﺖ ﺃﻫﻢ ﺍﻟﺘﻈﺎﻫﺮﺍﺕ ﺍﻟﻜﺒﺮﻯ ﻭ ﺍﻹﺣﺪﺍﺛﺎﺕ ﺍﻟﺠﺪﻳﺪﺓ ﺑﺘﻌﻠﺔ ﺗﺎﺑﻌﺔ ﻟﻠﻮﺯﻳﺮ ﺍﻟﺴﺎﺑﻖ ؟
-3 ﺃﻧﺎ ﺛﻘﺔ ﺗﺤﺐ ﺗﺒﻨﻴﻬﺎ ﻭ ﺍﻟﻤﻌﻄﻴﺎﺕ ﺍﻟﻠﻲ ﺗﻘﺪﻡ ﻓﻴﻬﺎ ﻛﻠﻬﺎ ﻣﻨﻘﻮﺻﺔ ﻟﻠﺮﺃﻱ ﺍﻟﻌﺎﻡ ﻭ ﻣﻮﺟﻬﺔ !
-4 ﻭﻳﻦ ﺍﻟﻤﻴﺰﺍﻧﻴﺔ ﺍﻹﺿﺎﻓﻴﺔ ﺍﻟﻠﻲ ﺧﻠﻴﻨﺎﻫﺎ ﻭ ﻗﻴﻤﺘﻬﺎ 51 ﻣﻠﻴﺎﺭﺍ ﺯﻳﺎﺩﺓ ﻓﻲ 2020 ﻣﻘﺎﺭﻧﺔ ﺏ 2019 ؟ ﺷﺒﻴﻚ ﺑﻌﻤﺮﻙ ﻣﺎ ﺗﺤﺪﺛﺖ ﻋﻨﻬﺎ؟ 351 ﻣﻠﻴﺎﺭ ﺻﺮﻑ ﺧﻠﻴﻨﺎ، ﻭﻳﻨﻬﻢ؟
-5 ﺗﺘﺤﺪﺙ ﻋﻦ ﺍﻟﺪﻳﻮﻥ، ﻭ ﻧﺴﻴﺖ ﺍﻟﺪﻳﻮﻥ ﺍﻟﻠﻲ ﺧﻠﻴﺘﻬﺎ ﺇﻧﺖ ﻛﻤﺪﻳﺮﺓ ﻋﺎﻣﺔ ﻟﻠﻤﺮﻛﺰ ﺍﻟﻮﻃﻨﻲ ﻟﻠﺴﻴﻨﻤﺎ ﻭﺍﻟﺼﻮﺭﺓ 2018 ﻭ 2019 ﻓﻲ ﺃﻳﺎﻡ ﻗﺮﻃﺎﺝ ﺍﻟﺴﻴﻨﻤﺎﺋﻴﺔ؟ ﺷﺒﻴﻚ ﻋﻤﺮﻙ ﻣﺎ ﺣﻜﻴﺖ ﻋﻠﻴﻬﺎ؟ ﻧﻌﻄﻴﻚ ﺃﻣﺜﻠﺔ ﺃﺧﺮﻯ ﻟﻠﺘﺼﺮﻑ ﻓﻲ CNCI ؟
-6 ﺑﺎﻟﻤﻨﻄﻖ ﻣﺘﺎﻋﻚ، ﻧﻠﻐﻴﻮ ﺩﻭﺭﺓ JCC 2019 ﺧﺎﻃﺮ ﺗﺠﺎﻭﺯﻧﺎ ﻣﻴﺰﺍﻧﻴﺔ 2018 ؟ ﻭﻧﻠﻐﻴﻮ JCC 2020 ﺧﺎﻃﺮ ﺗﺠﺎﻭﺯﻧﺎ ﻣﻴﺰﺍﻧﻴﺔ 2019 ؟ ﻭ ﺇﻧﺖ ﻫﻲ ﺷﻴﺮﺍﺯ ﺍﻟﻌﺘﻴﺮﻱ ﺍﻟﻠﻲ ﺧﻠﻴﺖ ﺍﻟﺪﻳﻮﻥ ﻫﺬﻱ؟ ﺗﻮ ﻫﺬﺍ ﻛﻼﻡ؟
-7 ﺃﻧﺎ ﺛﻘﺔ ﺗﺘﺤﺪﺙ ﻋﻨﻬﺎ ﻭ ﺇﻧﺖ ﺗﻘﻮﻝ ﺇﻥ ﺍﻟﺪﻳﻮﻥ ﺍﻟﻤﺘﺨﻠﺪﺓ ﺗﺨﺺ ﺍﻟﻔﻨﺎﻧﻴﻦ ﻭ ﺍﻟﻤﺒﺪﻋﻴﻦ، ﻭ ﺍﻟﺤﻘﻴﻘﺔ ﺃﻥ ﻧﺼﻴﺒﻬﻢ ﻣﻨﻬﺎ ﻗﻠﻴﻞ ﺟﺪﺍ، ﺃﻏﻠﺐ ﺍﻟﺪﻳﻮﻥ ﻓﻲ ﻋﻼﻗﺔ ﺑﺎﻟﻤﺰﻭﺩﻳﻦ ﻣﻦ ﺍﻟﻤﺆﺳﺴﺎﺕ ﺍﻟﻌﻤﻮﻣﻴﺔ ﻭ ﺍﻟﺨﺎﺻﺔ؟ ﻋﻼﺵ ﻫﺬﺍ ﺍﻟﺘﻮﻇﻴﻒ ؟
-8 ﻋﻤﺮﻛﺸﻲ ﺳﻤﻌﺘﻨﻲ ﻧﺘﺤﺪﺙ ﺃﻧﺎ ﻋﻦ ﺍﻟﺪﻳﻮﻥ ﺍﻟﻠﻲ ﺧﻼﻭﻫﺎﻟﻲ ﺍﻟﻮﺯﺭﺍﺀ ﺍﻟﻠﻲ ﺳﺒﻘﻮﻧﻲ ﻭ ﺟﺎﻧﺐ ﻳﺨﺺ ﺣﺘﻰ ﺩﻳﻮﻥ 2012 ؟ ﻓﻤﺎ ﺍﺣﺘﺮﺍﻡ ﻟﻠﺪﻭﻟﺔ ﻭ ﻣﻔﻬﻮﻡ ﺗﺤﻤﻞ ﺍﻟﻤﺴﺆﻭﻟﻴﺔ ﻭ ﺍﺳﺘﻤﺮﺍﺭﻳﺘﻬﺎ ﻛﺎﻥ ﻣﺎ ﻓﻲ ﺑﺎﻟﻜﺶ !
-9 ﺍﻧﺎ ﺛﻘﺔ ﺗﺘﺤﺪﺙ ﻋﻨﻬﺎ ﻭ ﺇﻧﺖ ﻋﻤﺮﻙ ﻣﺎ ﺫﻛﺮﺕ ﺍﻟﻔﻮﺍﺿﻞ ﺍﻟﻠﻲ ﺧﻠﻴﻨﺎﻫﻢ ﻭﻫﻲ ﻓﻲ ﺣﺪﻭﺩ 41 ﻣﻠﻴﺎﺭﺍ ﻟﻔﺎﺋﺪﺓ ﻣﻴﺰﺍﻧﻴﺔ 2020 ، ﻭ ﺍﻟﻠﻲ ﻳﻤﻜﻦ ﻳﻐﻄﻴﻮ ﺟﺎﻧﺐ ﻛﺒﻴﺮ ﻣﻦ ﺍﻟﻤﺘﺨﻠﺪﺍﺕ؟
-10 ﺛﻘﺔ ﺷﻨﻮﺓ ﺍﻟﻠﻲ ﺗﺤﻜﻲ ﻋﻠﻴﻬﺎ ﻭ ﺃﻫﻞ ﺍﻟﺜﻘﺎﻓﺔ ﺍﻟﻴﻮﻡ ﻓﻲ ﺩﻳﺎﺭﻫﻢ ﻣﺎ ﻟﻘﺎﻭﺵ ﺷﻜﻮﻥ ﻳﺪﺍﻓﻊ ﻋﻨﻬﻢ، ﺑﻄﺎﻟﺔ ﻭ ﺧﺼﺎﺻﺔ ﻭ ﻻ ﺣﻴﺎﺓ ﻟﻤﻦ ﺗﻨﺎﺩﻱ …… ﺣﺘﻰ ﺍﻟﻤﻬﺮﺟﺎﻧﺎﺕ ﺍﻟﻠﻲ ﻣﺘﻌﻮﺩﻳﻦ ﻋﻠﻴﻬﻢ ﻗﺮﻃﺎﺝ ﻭ ﺍﻟﺤﻤﺎﻣﺎﺕ ﻣﺮﺓ ﺍﻳﻪ ﻣﺮﺓ ﻻ ﻣﺮﺓ ﻻ ﺍﻳﻪ ﻻ ﻻ .… ﻭﻳﻦ ﻣﺎﺷﻴﻦ؟
-11 ﺍﻧﺎ ﺛﻘﺔ ﺗﺘﺤﺪﺙ ﻋﻨﻬﺎ ﻭ ﺍﻧﺖ ﺗﺤﺐ ﺗﺘﺠﺎﻫﻞ ﺃﻥ ﺃﻛﺜﺮ ﻓﺘﺮﺓ ﻋﺮﻓﺖ ﻓﻴﻬﺎ ﻭﺯﺍﺭﺓ ﺍﻟﺸﺆﻭﻥ ﺍﻟﺜﻘﺎﻓﻴﺔ ﻋﻤﻼ ﻫﻴﻜﻠﻴﺎ ﻭ ﺇﺣﺪﺍﺛﺎﺕ ﻭ ﻣﺆﺳﺴﺎﺕ ﺟﺪﻳﺪﺓ ﺩﻭﻟﻴﺔ ﻭ ﻭﻃﻨﻴﺔ ﻭ ﺟﻬﻮﻳﺔ ﻭ ﺃﻛﺒﺮ ﻋﺪﺩ ﻣﻦ ﺍﻟﺘﻈﺎﻫﺮﺍﺕ ﻓﻲ ﺟﻤﻴﻊ ﺍﻟﻔﻨﻮﻥ ﻭ ﺇﺣﺪﺍﺛﺎﺕ ﻫﻲ ﺍﻟﺴﻨﻮﺍﺕ ﺍﻷﺧﻴﺮﺓ .… ﻣﻮﺵ ﺍﻟﻜﻼﻡ ﻫﺬﺍ ﺍﻧﺖ ﺍﻟﻠﻲ ﻛﻨﺖ ﺗﻘﻮﻝ ﻓﻴﻪ ؟ ! ﺗﺤﺐ ﻧﺬﻛﺮﻙ؟ ﻓﻲ ﺷﻜﻮﻥ ﻧﻐﺎﻟﻄﻮ ﺍﻟﻴﻮﻡ ؟
-12 ﺍﻟﻠﻲ ﻳﺤﺐ ﻳﺒﻨﻲ ﺍﻟﺜﻘﺔ ﻳﻘﺮ ﺑﺎﻟﺤﻘﻴﻘﺔ ﻭ ﺍﻧﻮ ﺣﻜﻮﻣﺔ ﺍﻟﻔﺨﻔﺎﺥ ﻧﻘﺼﺖ ﻓﻲ ﻣﻴﺰﺍﻧﻴﺔ ﻭﺯﺍﺭﺓ ﺍﻟﺸﺆﻭﻥ ﺍﻟﺜﻘﺎﻓﻴﺔ ﻣﻦ ﺟﺮﺍﺀ ﻭﺑﺎﺀ ﺍﻟﻜﻮﺭﻭﻧﺎ، ﻭ ﻫﺬﺍ ﺍﻟﻠﻲ ﻳﺠﻌﻠﻬﺎ ﺍﻟﻴﻮﻡ ﻋﺎﺟﺰﺓ ﻋﻦ ﺍﻹﻳﻔﺎﺀ ﺑﺎﻟﺘﻌﻬﺪﺍﺕ ﺍﻟﻘﺎﺩﻣﺔ . ﺍﻟﺼﺪﻕ ﻳﻨﺠﻲ ﻭ ﺃﻫﻞ ﺍﻟﻘﻄﺎﻉ ﻳﻤﻜﻦ ﻳﺘﻔﻬﻤﻮﺍ ﺍﻟﻈﺮﻑ ﻭ ﺍﻟﺼﻌﻮﺑﺎﺕ ﻛﺎﻥ ﺗﺘﻘﺎﻟﻠﻬﻢ ﺍﻟﺤﻘﻴﻘﺔ ﺩﻭﻥ ﺗﻌﻼﺕ ﺃﻭ ﻣﺒﺮﺭﺍﺕ ﻭﺍﻫﻴﺔ !
-13 ﺍﻣﺎ ﺍﻟﺜﻘﺔ ﻋﻨﺪﻫﺎ ﻧﺎﺳﻬﺎ، ﺍﻣﺸﻲ ﻛﻞ ﺍﻟﺠﻬﺎﺕ ﻭ ﺗﺤﺪﺙ ﻣﻊ ﻛﻞ ﺍﻷﻃﻴﺎﻑ ﺍﻟﺴﻴﺎﺳﻴﺔ ﻭ ﺍﻟﺠﻤﻌﻴﺎﺕ ﺗﻮ ﻳﺤﺪﺛﻮﻙ ﻋﻦ ﺍﻟﺜﻘﺔ ﺍﻟﻠﻲ ﺑﻨﻴﻨﺎﻫﺎ ﻣﻊ ﺑﻌﻀﻨﺎ ﺧﻼﻝ ﺍﻟﺴﻨﻮﺍﺕ ﺍﻷﺧﻴﺮﺓ ..… ﻗﺒﻞ ﻣﺎ ﺗﻠﻘﻰ ﺍﻟﻮﺯﺍﺭﺓ ﻧﻔﺴﻬﺎ ﻓﻲ ﻫﺬﺍ ﺍﻟﻮﺣﻞ …… ﻭﺍﻟﻠﻪ ﻏﺎﻟﺐ

LEAVE A REPLY

Please enter your comment!
Please enter your name here