المنبر التونسي(ذاكر لهيذب) – نشر الإعلامي برهان بسيس تدوينة مؤثرة تحدث فيها عن انقاذ الدكتور ذاكر لهذيب لحياة طفل صغير من خلال إجراء عملية جراحية على القلب ،وذلك بعد تدخل والدته في برنامج اذاعي “راف ماغ” وتلبية نداء وجهه الاعلامي ومقدم البرنامج رفيق بوشناق.
وفي ما يلي نص التدوينة:
في أجواء القتامة العامة… موش الشخصية…. تجيني حاجة تفرح تخليني فخور انو وسط حوالي آلاف الساعات من المرور أمام الكاميرا او المذياع دقائق بسيطة هي الي تصنع السعادة.
في رمضان كنا مع شلة الرافماڨ الجميلة على ifm… تدخل أم معانا بش تشارك في مسابقة متع بنك الزيتونة… كي ربحت مبلغ 500دينار سألها إمبراطور التنشيط المتطرف رفيق بوشناق اش بش تعمل بيهم.. قالتلو نحب نبدى نلم بش نوفر حق عملية ولدي على قلبو الصغير الي ما ينجمش يتحمل برشة مرضو….
الموقف كان صعب وبدون تفكير قلنا انو فمة طبيب اسمو ذاكر لهيذب اكيد يسمع فينا ماهوش بش يخلي ولدنا الصغير محتاج بش يستنى برشة العملية….
فعلا باشر الدكتور ذاكر مباشرة بعد ما وصلو نداءنا ونسق مع الأم وبعد فترة التحاليل والاختبارات اللازمة.. واخيرا تعملت العملية البارح بالمستشفى العسكري وولدنا الصغير تكتبتلو حياة جديدة بفضل الله وبفضل الدكتور ذاكر لهيذب…..
لحظة فرح حقيقية لا تضاهيها سياسة وخليني ما يسالش نفضح اش بعثلي الدكتور ذاكر على الخاص.. قالي ولدنا منع والدموع فايضة في عينيا…..
دكتور ذاكر : شفت في الاخير في الاخير…. أيهما كان الأفضل والاعظم والاقوى….. كي منع ولدنا والا كان منع الفخفاخ؟؟ ؟؟
يحيا الإنسان…. تسقط السياسة….
دكتور ذاكر…. الف شكر ليك…..
