المنبر التونسي(برهان بسيس) – نشر الإعلامي برهان بسيس تدوينة على حسابه الشخصي بالفايسبوك سخر من خلالها من التعليقات حول ما عرف بإمايلات هيلاري كلينتون حول تونس و ثورتها و ثورات الربيع العربي.
واكد بسيس بأنه لا وجود لهذه الرسائل ب هي من وحي افكار بعض الدول العربية التي تقوم بفبركة وثائق لضرب دول اخرى.
وفي ما يلي نص التدوينة:
ايميلات هيلاري…. خلينا نتفقو على حاجة…. ما حصل في 14 جانفي 2011 هو بالتأكيد حدث مهم ونوعي في تاريخ تونس أسبابه متقاطعة ومتشابكة فيها من العفوي المرتبط بأرضية ملائمة هيئتها بعض أخطاء النظام السابق وفيها من المبرمج هيأته عوامل خارجية وتحولات دولية واقليمية تم التخطيط لها….. ولكن في مقابل ذلك وللمرة الألف اقول لبعض الأصدقاء وخاصة الجديين منهم راهو عيب تصدقو قصة كتاب هيلاري كلينتون متع شهرين لتالي او حاليا قصة بريدها الإلكتروني وايمايلاتها الي حكات على ما حصل نهار 14 جانفي 2011 في تونس….. راهو الحكاية ما فماش والبريد الإلكتروني ما زال ما تسيبش كيما طلب ترمب من وزير خارجيتو ان يفعل في إطار الحملة الانتخابية الرئاسية ضد المرشح الديمقراطي… الحكاية وما فيها الوخيان في الإمارات وفي إطار عركتهم مع الوخيان في قطر بداو يملّسو في برقيات من روسهم ويحطو فيها كل ما يأكد ويبرر عركتهم مع قطر والإخوان المسلمين وفي الثنية متع التمليس هذا شوية شكر لشجاعة قياداتهم وقيادات المملكة السعودية إلى هيلاري كلينتون اقرت حسب التمليس هذا انو الوحيدين الي تصداو للسياسة الأمريكية في المنطقة هوما الإمارات والسعودية.
