توقع إيقاف نبيل القروي : مسؤول “أنا يقظ” يوضح .. ومعطيات جديدة في الملف

0

المنبر التونسي (نبيل القروي)-نشر أشرف العوادي مسؤول منظمة “انا يقظ” التوضيح التالي على صفحته في الفيسبوك:

“باهي خلي نذكر بالسلم الزمني لقضيتنا ضد السيد نبيل القروي. و خلي نعطي شوية معطيات الي توة نجم نقولها بعد قرار الايداع بالسجن. انا يقظ نشرت في جويلية 2016 مقال حول التهرب الضريبي للاخوين نبيل و غازي القروي. في سبتمبر 2016 تم ايداع قضية في الغرض لدى محكمة تونس. يتم احالة القضية للقطب القضائي المالي الي يستدعي المنظمة كشاهد في افريل 2017. في نفس الشهر المنظمة تكمل وثائق اضافية للقاضي التحقيق. في 2018 يتم الاستماع لنبيل القروي لاول مرة. جوان 2019 يتم تحجير السفر و تجميد اموال السيد نبيل القروي. اوت من نفس السنة يتم سجنو. اطلاق سراح السيد نبيل القروي. قاضي التحقيق يعين خبراء من اجل الاستئناس برايهم في القضية. في اوت 2020 اجتمعنا مع الخبراء الي اكدولنا انو شهر ديسمير 2020 هو تاريخ ارسال الاختبار لقاضي التحقيق و هذاك الي صار. البارح جاتني المعلومة باطلاع السيد نبيل القروي على نتائج الاختبار، هذاك علاش هبطت الستاتي في المهموتة البارح. هل توقعت ايقاف نبيل القروي البارح؟ اجل و هذاك اش ناقشنا البارح على مستوى المنظمة. هاذم المعطيات الي نجمو نعطيوهم للراي العام حاليا.

و نحب نأكد انو اطراف القضية يعرفو الشي هذا و حتى السيد نبيل القروي كان متوقع الايقاف هذا. و هذاك علاش تم محاولة تمرير الفصل 4 في قانون المالية. كان فما شكر او ثناء راهو يمشي فقط لقاضي التحقيق و ليس لاي مسؤول سياسي. الي بالعكس حاولو دفن الملف.
#عدالة_نزيهة_ومستقلة”.

LEAVE A REPLY

Please enter your comment!
Please enter your name here