العوني لنوفل الورتاني: “مانتعداش معاك..راجع روحك في الموسم القادم وجيب الكبارات وماتشلكهمش”

المنبر التونسي (محمد العوني) – قال الممثل محمد العوني انه يرفض الحضور في برامج نوفل الورتاني.
وأضاف محمد العوني في برنامج ديمونش حنبعل:
” نوفل الورتاني استدعاني ورفضت نتعدى معاه … كلمتني l’assistance وقلتلها قلو راني مانتعداش معاك ومانحبش نتعدى معاك … بعد نص ساعة يطلبني نوفل شخصيا قالي ” خويا العوني هايا شنوة عاد الجمعة هاذي باش نشيخك ” قتلو كيما شيختني قبل … كي تتعدى في حصة تلفزية يا إما تزيد في قيمتك يا إما تهبط لأسفل السافلين … فما زوز منشطين نتعدى معاهم نبدى فرحان ونروح شايخ هو عبدالرزاق الشابي ولطفي العبدلي … نوفل الورتاني ماعيطليش على قيمتي الفنية عيطلي باش يعمل البوز هو قصلي كلامي وجرحني ووليت كي باش نمشيلو حسيت باش يشلكني … أنا مانتعداش معاك ونقلك راجع روحك في الموسم القادم وجيب الكبارات وماتشلكهمش وأنا راني نحبك ومسامحك دنيا واخرة وكي تعمل برنامج مباشر توا نجيك”