“شعلت” بين ألفة يوسف ورجاء بن سلامة والنهضة على الخط: “اسمعوا العجب العجاب في معركة بين دكتورتين في الجامعة”

0

المنبر التونسي (الفة يوسف) – شنت الاستاذة الجامعية والباحثة ألفة يوسف هجوما عنيفا على زميلتها رجاء بن سلامة من خلال تدوينة نشرتها قبل قليل.

وردت الفة يوسف في تدوينتها على رجاء بن سلامة التي اتهمتها مجددا بكونها استرزقت من نظام بن علي حيث اتهمتها كونها متاع النهضة وانها باعت نفسها من اجل منصب مهم وكانت تلهث وراء وزارة.

هذه تدوينة الفة يوسف كاملة :

يا رجاء بن سلامة

حتى لتو نقدر في الصداقة والزمالة…اما كثرت على ما وصاوك…

أنا أصلا ما جبدتكش اليوم أصلا، وكيف ذكرتك بالاسم سابقا، ذكرتك بالخير، وانت موش أول مرة تسبني وتتعدى علي بالاسم…

تحكي على الامتيازات يا اللي ما تحشمش ، أنا على الأقل استقلت وحدي من دار الكتب الوطنية باش ما نخدمش تحت منظومة ما نحترمهاش ، ونكون مضطرة باش نصافح مجرم ارهابي…

انا منيش جيعانة باش نخمم بمنطقك الهابط متاع الامتيازات، على خاطر رفضت منصب وزيرة في ها المنظومة وما نبيعش…والناس تعرف ألفة يوسف…

ابكي عليك انت مكبشة في المنصب وجريت على وزارة في عهد النهضة، وما يتخبى شيء في تونس…

وتو هاو قدام التوانسة نساء ورجال ، سكت لك بارش، كان عندك عقدة مني بره داوي روحك، وما ذا بيك تضم فمك، واسم الفة يوسف ما عادش تجبده على لسانك ماكانش بيناتنا القضاء…

لعنة الله على اللي ما يحشمش…

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.