الجودي يحذّر:”كان نكملو هكا باش ترصيلنا شادين الصف على 20 دينار من البنك”

المنبر التونسي ( معز الجودي ) – حذّر رئيس الجمعية التونسية للحوكمة معز الجودي، من مزيد تدهور الأوضاع الاقتصادية والاجتماعية بالبلاد.
وعلق على الإضراب العام ، وقال أن تونس اليوم ليست في حاجة لمثل هذه التحركات التي من شأنها تأزيم الأوضاع أكثر.
وأوضح في تدوينة على صفحته الرسمية على شبكة التواصل الاجتماعي “الفايسبوك”، أنّ الزيادة في الأجور، في ظلّ غياب نمو حقيقي للاقتصاد، سوف يتسبب في ارتفاع نسبة التضخّم وبالتالي تدهور أكثر في الطاقة الشرائية للمواطن وعجز أكبر في الميزانية وزيادة في المديونية.
ولم يستبعد أن تعيش تونس أزمة اقتصادية شبيهة بالأزمة اليونانية إذا تواصلت الأوضاع على ما هي عليه، وقال ” كان إنكملو هكا بش ترصيلنا كاليونان شادين الصف بش نجبدو 20 دينار من البنكا و نبيعو إلي قدامنا و إلي ورانا بش إنخلصو ديونا ”.
وفي ما يلي نص التدوينة:
خلينا إنكونو موضوعين و عقلانيين و واضحين: خزينة الدولة و إمكانياتها المالية الحالية و المؤشرات الاقتصادية و مستوى الإنتاج و نسب الإنتاجية في بلادنا، ما تمكنش من حتى زيادة جديدة في أجور الوظيفة العمومية! أكثر من هكا، وقتلي الإنتاجية تكون ضعيفة و النمو هش و الطلب ضاغط علي العرض و العجز في الميزانية يتجاوز 3%، أي زيادة في الأجور تتسبب في إرتفاع التضخم مالي و بالتالي تدهور أكثر في الطاقة الشرائية للمواطن و عجز أكبر في الميزانية و زيادة في المديونية و إرتهان مكلف و أخطر لدي المؤسسات المالية العالمية. هاذم حقائق و قواعد إقتصادية و مالية بديهية.
التجاذبات و المناكفات السياسية المتواصلة قاعدة تجر في بلادنا لتهلكة و كان إنكملو هكا بش ترصيلنا كاليونان شادين الصف بش نجبدو 20 دينار من البنكا و نبيعو فإلي قدامنا و إلي ورانا بش إنخلصو ديونا. تونس غالية علينا راهي و قاعدة تضيع ما بين إدينا، إذا بش إنزيدو نغرقو، الإنقاذ بش إكون صعيب و طويل ياسر.