سامي بن سلامة: العدو الأكبر لقيس سعيد هي حركة النهضة

0

المنبر التونسي(سامي بن سلامة) – قال عضو الهيئة العليا المستقلة للانتخابات السابق سامي بن سلامة أن العدو الأكبر لقيس سعيد رئيس الجمهورية المنتخب هي حركة النهضة.
وفي ما يلي نص التدوينة:
موضوعيا العدو الأكبر لقيس سعيد هي حركة النهضة إذا كان ناخذو الأمور بمنطق التنافس السياسي البحت… لا يزي هربلها بكتلة ناخبيها وكان يعمل أغلبية رئاسية احتمال يفلت حتى بنواب من كتلتها.. وزيد عندو شرعية مضاعفة تتجاوز شرعيتها الانتخابية… وهذا يخليه ما يحتاجلهاش أو بالأحرى ما هوش رهينة عندها إذا كان سلمنا بالافتراض الي يقول أنو ما هوش تابعها وأنو ما فماش تفاهم بيناتهم منذ البداية…
منطقيا باش تعمل على اضعافو وتدميرو على نار هادئة.. وعلى توريطو لأنو في نجاحو انتهاء تأثيرها…
أول توريطة بوصفو باش يكون القائد الأعلى للقوى المسلحة ادخال عناصرها للقصر الرئاسي لإثبات أنو ولدها الشيء الي كان رفضوا المرحوم الباجي… وهذا يمكن من تقوية الشكوك حولو…
لكن أهم توريطة هي الحوض المنجمي وشركة فسفاط قفصة… ما فماش طريقة أخبث من أنها تخلقلو الظروف الملائمة لإنزال الجيش بأمر منو والتسبب في إسالة الدماء في بداية عهدو…
الرئيس المنتخب بأعلى عدد أصوات في تاريخ تونس ولي ما عندو حتى برنامج واضح تحيط بيه مخاطر كبيرة…
صحيح الفوز بالانتخابات بالطريقة الي شفناها حاجة مثيرة للانتباه… لكن التكتيك الانتخابي حاجة والممارسة السياسية حاجة مختلفة تماما…

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.