شكيب درويش يعلق على إيقاف سامي الفهري ويكشف تفاصيل آخر محادثة بينهما

0

المنبر التونسي (شكيب درويش) – علق المحامي والكرونيكور بقناة الحوار التونسي شكيب درويش على إيقاف سامي الفهري والمتصرفة القضائية ووكيل شركة كاكتوس بعد التحقيق معهم وإجراء المكافحات أمام فرقة الأبحاث في الجرائم الاقتصادية والمالية في القرجاني.

وكتب شكيب درويش التدوينة التالية:

سامي الفهري .. أنا واحد من أصحابك اللي تلقاهم في ضيقتك
أخر حديث صار بيني وبين سامي الفهري … كان عن برود سجن المرناقية … وعن الوحش والأذى اللي اجتمعو فيه …. وعن اسمنته المسلح اللي يمنع من أن تدق مسمارا بش تعلّق عليه صورة العائلة

حديثنا كان عن الحاجز البلوري … اللي يمنع عنك حرارة العائلة … ودقات قلبها ودفء اللمة والقرب

تعانقنا لأول مرة …. كنت تتوقع مني سامي بش نقويك ونصبرك …. وفاتك أنك حيّرت فيّ مواجع حبس قديم وبرلوار صدأ فرّق بيني وبين الوالدة …. حبس داخل المدينة العربي في سوسة محشور بين سوق ومتحف وماخور.

ثمة شكون شامت في اللي صار عليك … وثمة اللي يهنيو في بعضهم … وسكروا بقرار الإحتفاظ بيك … وتوة اطير السكرة … يتوهمو أنو تونس خير من غير الحوار التونسي … وبش تعم مكارم الأخلاق … والدينار بش ينصلح حالو … والقمح على رؤوس الجبال … وطريق بش يتفتح للفسفاط … ومقدرة شرائية وشبعة و صحة وعافية ومدارس ودوفيز .. وأمرنا كله خير من غير إعلام الألف تلة …

واحتمال الاحتفاظ بيك سامي يسرّع في تشكيل الحكومة وفي استرجاع ملحنا وحلونا وحارنا وبترولنا ودقلتنا وسيادتنا…. حكومة المكافئات …

شغلتهم شماتتهم واعمت بصيرتهم … ونساو أن المتهم بريء .. وكلام ربي عن العدل … واعدلو هو أقرب للتقوى …
صديقي سامي .. حتما ستفرج … والحي يروح

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.