ﻳﺎﺳﻴﻦ ﺍﻟﻌﻴﺎﺭﻱ ﻳﻬﺎﺟﻢ ﺭﺋﺎﺳﺔ ﺍﻟﺤﻜﻮﻣﺔ ”: ﻳﻘﺼﻮﺍ ﻣﻦ ﺍﻟﻄﺒﺔ ﻭﻋﻤﺎﻝ ﺍﻟﻨﻈﺎﻓﺔ ﺑﺶ ﻳﻌﻄﻮﺍ ﻟﻠﻜﺮﻭﻧﻴﻜﺎﺭﺍﺕ

المنبر التونسي (ياسين العياري) -كتب ﺍﻟﻨﺎﺋﺐ ﻋﻦ ﺍﻣﻞ ﻭﻋﻤﻞ ﻳﺎﺳﻴﻦ ﺍﻟﻌﻴﺎﺭﻱ، ﻋﻠﻰ ﺻﻔﺤﺘﻪ ﺑالفايسبوك ﻣﺎ ﻳﻠﻲ :
ﻃﺎﻟﻌﺖ ﺣﺰﻣﺔ ﺍﻹﺟﺮﺍﺀﺍﺕ ﺍﻟﺘﻲ ﻗﺮﺭﺗﻬﺎ ﺣﻜﻮﻣﺔ ﺍﻟﻘﻮﻳﺔ ﺍﻟﻌﺎﺩﻟﺔ، ﻝ ” ﺩﻋﻢ ” ﺍﻟﺼﺤﺎﻓﺔ .
ﻋﻠﻰ ﺍﻟﺤﻴﻂ !
ﺇﻧﻚ ﺗﻨﺤﻲ ﻣﻦ ﻓﻠﻮﺱ ﺍﻟﺘﻮﺍﻧﺴﺔ، ﻣﻦ ﺿﺮﺍﺋﺒﻬﻢ، ﺗﻘﺺ ﻟﻠﻄﺒﺔ ﻭ ﺍﻷﻣﻨﻴﻦ ﻭ ﺍﻟﺒﺮﻳﺪﻳﻴﻦ ﻭ ﺃﻋﻮﺍﻥ ﺍﻟﻨﻈﺎﻓﺔ، ﺑﺎﺵ ﺗﻌﻄﻲ ﻟﺸﻜﻮﻥ؟
ﻟﻤﺆﺳﺴﺎﺕ ﺗﺨﻠﺺ ﻓﻲ ﻛﺮﻭﻧﻴﻜﻮﺭﺍﺕ 15 ﻭ 20 ﻣﻠﻴﻮﻥ .
ﻟﻤﺆﺳﺴﺎﺕ، ﺿﺮﺍﺋﺒﻬﺎ ﻣﻮﺵ ﻭﺍﺿﺤﺔ
ﻟﻤﺆﺳﺴﺎﺕ ﺗﺨﺪﻡ ﻓﻲ ﻋﺒﺎﺩ ﺗﺤﺖ ﺍﻟﺤﻴﻂ ﺑﻼ ﺣﻘﻮﻕ
ﻟﻤﺆﺳﺴﺎﺕ، ﺟﻤﺎﻋﺘﻬﺎ، ﻃﺎﻟﻤﺎ ﻛﺎﻧﺖ ﺿﺪ “ ﺍﻟﺪﻋﻢ ﻟﻠﺰﻭﺍﻟﻲ ” ، ﺃﻣﺎ ﺍﻟﺪﻋﻢ ﻟﻴﻬﻢ ﻣﻴﺴﺎﻟﺶ
ﻟﻤﺆﺳﺴﺎﺕ، ﺑﻌﻴﺪﺓ ﻋﻠﻰ ﺍﻟﺤﺮﻓﻴﺔ ﻭ ﺍﻟﻤﻬﻨﻴﺔ، ﻛﺎﻥ ﺍﻟﺘﺮﺫﻳﻞ ﻭ ﺍﻹﺷﺎﻋﺎﺕ
ﻟﻤﺆﺳﺴﺎﺕ ﺗﺒﺚ ﺳﻤﻮﻣﻬﺎ ﻭ ﺗﻘﺒﺾ ﺃﻳﺎﻡ ﺍﻹﻧﺘﺨﺎﺑﺎﺕ، ﻗﻴﺪ ﻋﻠﻰ ﻣﺆﺳﺴﺎﺕ ﺧﺎﺻﺔ ﻭ ﻋﻨﺪﻧﺎ ﺧﻂ ﺗﺤﺮﻳﺮﻱ .. ﺇﻱ ﻛﻲ ﻣﺆﺳﺴﺎﺕ ﺧﺎﺻﺔ، ﻣﺎﻭ ﻻﺑﺎﺱ ﺗﺎﺧﺬ ﻣﻦ “ ﺍﻟﻤﺎﻝ ﺍﻟﻌﺎﻡ ” ؟
ﺗﻤﻨﻴﺖ ﺍﻹﺟﺮﺍﺀﺍﺕ ﺗﻬﻢ ﺍﻟﻤﺆﺳﺴﺎﺕ ﺍﻟﻤﺼﺎﺩﺭﺓ
ﺗﻤﻨﻴﺖ ﺍﻹﺟﺮﺍﺀﺍﺕ ﺗﺮﺑﻂ ﺑﺨﻼﺹ ﺍﻟﻀﺮﺍﺋﺐ ﻭ ﺗﺴﻮﻳﺔ ﻭﺿﻌﻴﺔ ﻛﻞ ﺍﻟﺼﺤﺎﻓﻴﻴﻦ ﻭ ﺍﻟﺘﻘﻨﻴﻴﻦ ﻭ ﺿﻤﺎﻥ ﺣﻘﻮﻗﻬﻢ
ﺗﻤﻨﻴﺖ ﺍﻹﺟﺮﺍﺀﺍﺕ ﻭ ﺍﻟﻤﺴﺎﻋﺪﺍﺕ ﺗﻌﻄﻰ ﻣﺒﺎﺷﺮﺓ ﻟﻠﺼﺤﺎﻓﻴﻴﻦ ﻭ ﺍﻟﺘﻘﻨﻴﻴﻦ ﻭ ﺍﻟﻌﻤﻠﺔ
ﻟﻜﻦ ﻭﻗﺘﻬﺎ ﺗﺼﺒﺢ ﺑﺎﻟﺤﻖ، ﻗﻮﻳﺔ ﻭ ﻋﺎﺩﻟﺔ، ﻟﻜﻨﻬﺎ ﺍﻵﻥ ﻣﺠﺮﺩ ﻛﺎﺭﻳﻜﺎﺗﻮﺭ : ﺇﻋﻄﺎﺀ ﻣﺎ ﻻ ﺗﻤﻠﻚ ﻟﻤﻦ ﻻ ﻳﺴﺘﺤﻖ، ﺭﺷﻮﺓ ﺗﺪﻓﻌﻬﺎ ﺍﻟﺤﻜﻮﻣﺔ ﻟﻀﻤﺎﻥ ﻋﻤﻠﻴﺎﺕ ﺗﺒﻴﻴﺾ ﻟﻨﻔﺴﻬﺎ ﻣﻦ ﻓﻠﻮﺱ ﺩﺍﻓﻊ ﺍﻟﻀﺮﺍﺋﺐ .
ﻻ ﺃﻣﻠﻚ ﺇﻻ ﺻﻮﺗﻲ ! ﻳﻮﻡ ﺗﻌﺮﺽ ﻫﺬﻩ ﺍﻹﺟﺮﺍﺀﺍﺕ، ﻫﺬﻩ ﺍﻟﺮﺷﻮﺓ ﻣﻦ ﻓﻠﻮﺳﻨﺎ، ﺳﺄﺻﻮﺕ ﺑﻀﺪ ! ﻳﻮﻡ ﺗﻄﺮﺡ ﺣﻜﻮﻣﺔ ﺷﺮﺍﺀ ﺍﻟﺬﻣﻢ ﻭ ﺗﻠﻤﻴﻊ ﺻﻮﺭﺗﻬﺎ ﺑﻔﻠﻮﺱ ﺛﻤﺔ ﺃﻟﻒ ﺑﺎﺏ ﺃﻫﻢ ﻭ ﺃﻭﻟﻰ ﻟﺼﺮﻓﻬﺎ، ﻓﻲ ﺍﻟﻤﻴﺰﺍﻧﻴﺔ، ﺳﺄﺻﻮﺕ ﺃﻳﻀﺎ ﺿﺪ .
ﻣﻨﺤﺔ ﻟﻸﻃﺒﺎﺀ، ﻟﻠﻤﻤﺮﺿﻴﻦ، ﻟﻸﻣﻨﻴﻴﻦ، ﻟﻠﻌﺴﻜﺮﻳﻴﻦ، ﻟﻠﺒﺮﻳﺪﻳﻴﻦ، ﻟﻌﻤﺎﻝ ﺍﻟﻨﻈﺎﻓﺔ، ﻛﺎﻧﺖ ﺃﻭﻟﻰ، ﻟﻜﻦ ﻫﺆﻻﺀ، ﻻ ﻳﻄﺒﻠﻮﻥ !
ﺃﻛﻴﺪ ﻫﺎﻟﻔﻜﺮﺓ ﺍﻟﻌﺒﻘﺮﻳﺔ، ﻫﻲ ﻧﺘﻴﺤﺔ ﻟﻮﺑﻴﻴﻨﻎ “ ﻣﺎﻳﻨﺪ ﺷﺎﺭ ” ، ﺷﺮﻛﺔ ﺃﺻﺤﺎﺏ ﺭﺋﻴﺲ ﺍﻟﺤﻜﻮﻣﺔ ﺍﻟﻤﻜﻠﻔﺔ ﺑﺎﻹﺗﺼﺎﻝ، ﺩﺑﺮﻭﺍ ﻋﻠﻴﻪ، ﻭﻛﻞ ﺍﻟﻔﻢ ﺗﺴﺘﺤﻰ ﺍﻟﻌﻴﻦ