طبيب تونسي:”يزيوو من التبلعيط والكذب احشمو…ما ثماش شكر لعبد اللطيف المكي”.. التفاصيل

0

المنبر التونسي (ماهر العباسي) – كتب الدكتور ماهر عباسي تدوينة علق من خلالها على شكر منظمة الصحة العالمية لوزير الصحة عبد اللطيف المكي بخصوص سيطرة تونس على فيروس كورونا.
وفي ما يلي نص التدوينة:

رئيس منظمة الصحة العالمية شكر وزراء الصحة متاع عدة دول شاركو في ندوة عملتها منظمة الصحة العالمية حكى فيها كل وزير على تجربة بلادو وشكرهم الكل بعبارة واحدة: نشكركم على خاطر حكيتو على تجارب بلادكم في الندوة، يعني شكرهم على التضامن وعلى تبادل المعلومات فقط لا غير.
شكر رئيس المنظمة للوزير التونسي على نجاح تونس في مكافحة الكورونا هو إختراع من محض خيال صفحة فايسبوكية إسمها “منظمة الصحة العالمية” ويديرو فيها …. زوز توانسة ….وحولو تويت متاع مجاملة عادية جدا موجه لستة وزراء صحة الي شهادة نجاح عطاتها المنظمة للمكي وتشكر فيه خاطر قبل يعطي إستراتيجيا متاع تونس لبقية الدول .
يعني في سلّم الكذب والتبلعيط هذومة وصلو للقمة … ونصيحة لعبد اللطيف المكي أنو يكذّب الخزعبلات هذي راو العالم يتفرّج فينا.
نهار الي منظمة عالمية تستعرف بنجاح الإستراتيجيا متاعنا وتشكر وزير تونسي المكي والا عبّو وإلا الفخفاخ والا حتى حمة الهمامي انا نكون أسعد إنسان ونفرح ونفتخر … أما بالتبلعيط والكذب رانا موش سيدي تاتا إحشمو”.

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.