المنبر التونسي(سمير الوافي) – أعلن الاعلامي سمير الوافي، انه سيرفع يوم الاثنين القادم قضية عدلية ضدّ ممثّل تونسي لم يذكر اسمه، وتبين أن المعني بالأمر هو الممثل الشاب امير الدريدي.
وقال الممثل المعني بالقضية أمير الدريدي في برنامج STAR TIME، أن “سمير الوافي كان ينجم يترفع على إجابتو ليا كان ينجم يقول فرخ صغير وفرحان بخدمتو ونقولو سمير حتى كان تغششت مني ماتتغشش أما مانجمش نعتذر منك خاطر مانيش غالط”.
وتابع “أنا ماسبيتش سمير الوافي ترجمتلو لقبو بالفرنسية ونقولو كلمة كلوشار ماتتقالش على استاذ مسرح كيفي”.
وكتب التدوينة التالية على صفحته الرسمية على شبكة التواصل الاجتماعي:
يظهرلي طيحت قدري مع واحد كلوشار ردوه كومبارص في أفشل عمل تلفزي…وضحكو عليه التوانسة الكل لشدة سخافة وبلاهة آدائه…ومانيش باش نطيح قدري أكثر ونسميه…لكن نخلي القضاء يحاسبو على كل الشتائم المنحطة اللي كتبها وبعثوهالي توة صدفة…نهار الاثنين المحامي متاعي يرفع قضية ضد الكلوشار متاع التلفزة…اللي طول عمارنا ننقدو في أسيادو في التمثيل عمرو ما واحد منهم سبنا أو هددنا…لكن كي يدخلو الكلوشارات للميدان ونطيحو قدرنا معاهم…لازم كل نقد نعملوه يجاوبونا بالوسخ متاعهم…وبمستواهم المنحط…!
البقية في المحكمة يا توم كروز…يا ضُحكة التوانسة وتكركيرة الفايسبوك”
