المنبر التونسي(سنية الدهماني) – علقت الكرونيكور باذاعة “اي اف ام”، سنية الدهماني في برنامج “الراف ماغ” على الخلاف بين خولة سليماني وشمس الدين باشا إثر مغادرتها قناة قرطاج+ .
وقالت سنية الدهماني إن خولة سليماني “عندها قدرة عالية على تزييف الحقائق”.
وحسب مدير carthage +، فان شمس الدين باشا ليست له أية علاقة بإستقالة خولة السليماني.
وكانت خولة سليماني في برنامج “ديما لاباس” تحدثت عن أسباب خروجها من قناة قرطاج+ ، وقالت إنها لم تقدم استقالتها من القناة المذكورة بسبب عرض جديد في التاسعة وأنهم اقترحوا عليها العرض إثر مغادرتها وإنما بسبب شمس الدين باشا.
وأكدت أن علاقتها طيبة مع قرطاج+ وليس هناك أية مشاكل ولم تعد تشعر بالراحة ” ماخرجتش بمشكلة .أنا ماعادش مرتاحة جملة وخدمتنا تجي بالكيف واليوم نلقى روحي يانخدم ياترصيلي نتلهى عاليمين وعاليسار نبعد في الناس من ثنيتي … شمس الدين باشا ربي يوفقو وربي يعينو أما مفهوم النجاح عندو هو موش كيما مفهوم النجاح عند الناس لخرين وهو النجاح عندو أنا ننجح كي نبدى وحدي … عندو مانجمش ننجح كي تكون فما برنامج ناجح في نفس القناة … أنا وشمس زوز برامج مختلفين على بعضهم … منجموش نكونو منافسين فرد قناة … وفازة الكاسات إلي تحرقت حاجة من الحاجات إلي قلقتني برشا وسكتت عليها خاطر احتراما لمدير القناة وهو إلي كان مخليني نصبر … وهاذي تتسمى حاجة صغيرة وأنا ريتو في حياتي مرتين ولا ثلاثة مابيناتناش حاجة … كلمتو بالتاليفون قالي فما فنانين أنا نحيتهملك على خاطر أنا مريزرفيهم وفما برشا كواليس … مثلا نهار الثلاث كنت باش نصور أول حلقة من رمضان ونهار الأحد ليكيب متاعي الكل في القناة ومافما حد خاطر قعدو ساهرين مع شمس … ونلقى شمس يحب ياخذ الأربعاء والسبت والأحد قتلو مايجيش …”.
وتابعت “مادام شمس الدين باشا موجود في القناة أنا وبرشا ناس اخرين ماينجموش يقعدوا خاطر الطرق متاعو ياسر خايبة وهو يعرف … والله وقتلي نعملو في البرمجة شمس الدين باشا حب عمل كاميرا كاشي وكوجينة وبرنامج كل يوم “.
