المنبر التونسي (برهان بسيس،ذاكر لهيذب) – كتب برهان بسيس ما يلي مغلقا على تدوينة الدكتور ذاكر لهيذب ما يلي:
·
صديقي الدكتور ذاكر لهيذب هبط تدوينة في دارو الافتراضية بخصوص صورة راشد الغنوشي في دارو بعد ما خرج مالسبيطار… تدوينة طبيب متخلق يخمم في الحرب على الكورونا خالية مالدعاء والتولويل متع الولايا الي تحب عليه فيراجات الاحزاب من العامة والداصة والدهماء وزط الآفاق، بدات الجموع التافهة المتعصبة هاذي في حملة شتيمة للدكتور ذاكر في هالوقت الملعون الكلب…..
كلمة وحدة للتاريخ في حق الراجل هذا… استحقيناه مرة في مرا عملت نداء استغاثة لا نعرفوها لا تعرفنا… ولدها يلزمو عملية عاجلة ومعقدة على القلب، دقيقة وحدة لا غير ذاكر يطلبنا ويقول تفضلو…تعملت العملية في المستشفى العسكري عملها هو وما دفعت الام حتى فرنك والحمد الله الولد الصغير تكتبتلو حياة جديدة….
هذا الي نعرفو انا فقط ونعرف الي فمة حكايات برشة أخرى من هذا النوع عاملهم ذاكر…..
بالتالي لعنة الله على المخير فيكم الي تسخايلو رواحكم تعملو في السياسة بسبان العباد… سياستكم التافهة والاصنام الاتفه الي تدافعو عليهم ما يجيوش في ذرة إنقاذ نفس بشرية بكل تطوع ومحبة كيما عملها ويعمل فيها ذاكر…….
ممكن فقط ذاكر غلط في حياتو غلطة وحدة انو صدق انو أفريقيا تحت السيطرة……
غير ذالك، ذاكر لاهيذب يا جبل ما يهزك ريح وبرة الله يرحم والدين والديك……
