المنبر التونسي (الشاب بشير) – أصدرت المحكمة الابتدائية بمدنين قرارها بالسجن أكثر من سنة سجنا ضد المغني الشاب بشير.
ونشر المشرف على حساب المغنّي الشاب بشير على “انستغرام” تدوينة تحدث فيها عن تفاصيل القضية، اثر قرار الحكم بالسجن.
واعتبر المشرف عن حساب الشاب بشير ان القضاء لم يكن عادلا في الفصل في القضية.
وقال: “يحدث في تونس و من غير ما نطول عليكم…
عون يخدم في مطار جربة يستغل نفوذو و يترفك بأساليبو القذرة و الملتوية و اللي يتكلم على حقوقو و يدافع عليها يتشد و يتحاكم يا والله أحوال.. كل ما في الأمر اللي الشاب بشير و صل للمطار قبل موعد الطيارة متاعو بساعة أو أكثر و ما راعوا الا السيد هذا و بكل استهتار و استفزاز قلو اللي الطيارة متاعك خرجت مالمطار و ما عليك كان تستنى العشية ولا تروح في السيارة..و الشي هذا ما يساعدش بشير بما أنو عندوا التزامات و يلزموا يرجع للعاصمة في أقرب وقت.. و في نسق الحوار بدى الاستفزاز و تصاعد وتيرة و شدة الحوار و بدا التلاسن مالسيد.. بشير دافع على روحو و على الفرقة متاعو و كل شي مصور و بالدليل..
تتظلم في بلادك و كي تتكلم على حقك يسطكولك… الحق ما يضيعش و القانون يعلا و لا يعلو عليه و في أقرب يبان الحق و الحي يروح…
و بلاهي ميساج للعباد الشامتة و اللي تتجلطم في كلامها راهو عيب حط روحك في بلاصتو و مبعد احكم .. طبق القانون و الناس لكل راهي سواسية”.
