عاطف بن حسين “يتشفى” في سامي الفهري بعد سجنه ؟

المنبر التونسي (عاطف بن حسين) – علق الممثل والمخرج عاطف بن حسين على ايقاف سامي الفهري على ذمة التحقيق لمدة 5 ايام في قضية شبهة فساد مالي.
ونشر بن حسين تدوينة علق من خلالها على بعض الدعوات لعدم “الشماتة” في سجن سامي الفهري ، وقال أنه مع تطبيق القانون والايقاف ليس ابتلاء.
وفي ما يلي نص التدوينة:
“فمة ناس قويين في قلب القيم و الحقائق ….. و تولي انت شمايتي و يردوا الحبس ابتلاء … علاش ما نفرحوش بتطبيق القانون ؟ علاش الشعب يولي عدو القانون ؟ علاش الانسان يولي يحب خانقو و الي يسرق فيه و بعد يخرجوا يتشكاوا من غلاء المعيشة و انهيار الاقتصاد ،،،،؟؟؟ علاش الناس تستعمل الذكاء متاعها كان في الدفاع على الشر ؟؟؟
انا في اطار اني ضد الشماتة و باش نبين للناس الي انا قلبي ابيض و باش نولي نعتقد انو الحبس (تطبيق القانون) ابتلاء من المولى عز و جل كيما المرض و الموت ،، باش نطالب باطلاق سراح وشواشة والمساجين الكل كيف الي قتل كيف الي سرق كيف الي براكا الناس و فكلهم فلوسهم ،،،
سيبوا المساجين الكل و فك علينا من القانون الناس تحب شكون يسرقها ،،، أخطاونا بربي من هدرة القانون وذراعك يا علاف …….
اندثروا أحسن و سيبونا احنا ندافعوا على حقوقنا ،،،، قلوا شماتة”.