المنبر التونسي(ياسين العياري) – علق النائب في البرلمان ياسين العياري على اعتصام عبير موسي وكتلتها في البرلمان ومطالبتها بالاعتذار بعد أن وصفتهم النائبة جميلة الكسيكسي ب”الكلوشارات”و”الباندية” والمصيبة”.
ونشر ياسين العياري التدوينة التالية:
فاق الأمر المهزلة!
قالتلهم كلوشارات، ما عجبتهمش، فتصرفوا ك.. كلوشارات!
حاولت منذ دخولي المجلس في 2017 تجنب أي عركات جانبية مع أي شخص و إني نركز على ما ينفع الناس و نتعامل مع الجميع بإحترام، حتى الي ما يستحقوهش، إحتراما للتوانسة دافعي الضرائب الي إنتخبوهم.
إحتراما لكل التونسيين و لكل دافعي الضرائب، أتمنى أن تنتهي هذه المسخرة قريبا و لا يمنع أي نائب يخلص من فلوس التوانسة من أداء عمله.
إحتراما لكل التونسيين و لكل دافعي الضرائب لن أسمح لأي شخص نائب أو غيره من منعي من أداء خدمتي.
كان هي منتخبة لتهرج و للدراما، سأستعمل كل الوسائل، نعم كل الوسائل، باش نخدم خدمتي.
تحب النهضة يعتذرولك؟ غالطة في المكان، إمشي لمقر النهضة و فضها معاهم ما دخلناش، الي إنت فيه معطلته و قالبته زريبة مجلس نواب الشعب التونسي موش مقر النهضة!
فلتحمد ربها أن تهريجها و صبيانياتها تحدث في زمن الثورة، زمن المواقف المجانية، لأنه في زمن مخلوعها الذي تريد أن تعيدنا لعصره، راهي لأقل بكثير من هذا، معتصمة معلقة في القرجاني و تقلعت ضوافرها و زروسها و شطر عايلتها وقع إغتصابه و وحدة تشبهلها خارجة في التلفزة لتبرر ذلك.
