المنبر التونسي(ياسين العياري) – علق زوج النائبة عن حركة النهضة سيدة الونيسي على اجتماع النائب ياسين العياري بمؤسس “تاكسي سكوتور” وتبني المشروع.
ونشر تدوينة قال فيها ان نائب الشعب هذا (ياسين العياري) يدعم تشغيل الشباب بدون عقود عمل ودون تأمين صحّي وضمان اجتماعي.
ونشر بدوره النائب ياسين العياري تدوينة ردا على زوج النائبة سيدة الونيسي.
إلى راجل وزيرة التشغيل أما بعد،
– يا جاهل، حل ميزانية الدولة، متوفرة مجانا على الأنترنات و المادام عندها منها نسخة، الضرائب الي نخلص منها، تدفع فيها زادة الشركات
– يا جاهل 2، السائقون مستثمرون بالباتيندة متاعهم ما منتهك حقوقهم حد
– يا جاهل 3، الشباب الي بش يخدمو، مشاو للمدام متاعك، لقاوها ضيعت المليارات في أوهام متع فرصتي و زرصتي و خرصتي و ريق الخروطو، ما بقالهم شيء
– يا جاهل 4، حل ويكيبيديا و إفهم إش معناها ستارتاب، المادام تعرفها على الأقل نظريا، ديما تصور في ندوات يحكيو عليها
– يا جاهل 5، كان نواب حزب المادام يخالفوا و يتحايلوا على القانون، ليس كل مدور كعك، و ثمة نواب تخدم في إطار الشفافية و الإحترام الكامل و التام للقانون
شوف يا جاهل، يا راجل الوزيرة،
حقدك الأعمى و هوسك بكل ما أفعل، أنا نعرف أسبابه و هاو بش نجبدها للعلن :
– أول ما ربحت في إنتخابات ألمانيا، جيتني تتلوصق للعوينة تحب تعمل معايا حزب و جاي تفرشلي في فيشات زملائك السابقين في النهضة، قصيتلك بونو و قتلك ما نخدمش معاك، إنت ناس خدمت معاها و في أول قلبة بعتها، قبل السياسة ثمة الرجولية، أنضج قبل.
– متقلق كيفاش المادام كانت تتعلم في الحجامة في روس اليتامى و تبعزق في فلوس دافع الضرائب قال شنوة تشغيل و الكله بلوط و ما مركز معاها حد، جاء نائب يسائل فيها و كي حبت تتذاكى عطاها الكلاط.
خاطر كي تخدم على روحك، يتغشش منك راجل الوزيرة و يحط في قلبه 🙂
هذه هي القصة، و ماهيش أول مرة تعمل بلونجون سخيف، باهي علاش المرات الأخرى ما وبختكش و طفيت الضو؟ شنوة لي تبدل؟
يا راجل الوزيرة، هذا ليك و لغيرك، ريت وقت التسامح، و إش عندك فيه، و ما نعملوش لأمثالك مغارف و تجاهل المفرخ و ربي يهدي؟ إنتهى!
تو الي يغلط معانا غلطة؟ نصرفقوه طول، هذه هاي قرصة و المرة الجاية، ترى ما يسرك، كان غاوي شلابق، عاود خرج علينا مغالطات، يكون من دواعي سرورنا إنا نستويوك و نعملولك مغارف 🙂
مع خالص تحياتي و مودتي.. يا.. جاهل!
#ما_يحبوش_الإحترام
#راجل_الوزيرة
