المنبر التونسي(عبد اللطيف العلوي) – علق النائب عن ائتلاف الكرامة عبد اللطيف العلوي على فشل المشاورات حول تشكيل الحكومة وتراجع كل من التيار الديمقراطي وحركة الشعب ورفضهما المشاركة في الحكومة المقبلة.
وكتب العلوي التدوينة التالية:
واضحة الأمور توة ولاّ نزيدوا نوضّحوا؟
نهار اللي قلنا راهم ماعينهمش باش يحكموا ويضيّعوا في الوقت، قلتوا تدافعوا على النهضة؟
نهار اللي قلنا راهم عندهم فيتو من أطراف أخرى على حركة النهضة وما يحبوهاش تكون حكومتها اللي خوّلهالها الدستور قلتوا تدافعوا على النهضة!
نهار اللي قلنا راهم عندهم تكمبينة أخرى ويدزّوا فيها لحكومة الرئيس، قلتوا تدافعوا على النهضة!
نهار اللي قلنا راهم آخر همّهم مصلحة البلاد ومقاومة الفساد والبلّوط اللي تسمعوا فيه الكلّ، قلتوا تدافعوا على النهضة!
نهار اللي قلنا راهم فيهم جماعة انقلابيين وجماعة باراشوك لاتحاد الشغل وسفارة فغانسا وجماعة مازالوا عايشين بلوجيسيال 56، قلتولنا تدافعوا على النهضة!
طيّب ياسيدي… هانوا العرض قدّامكم! دروس بالمجّان! واللّي ما يقراش وما يتعلّمش، الله لا يكوّن فيه.
