ﻳﺎﺳﻴﻦ ﺍﻟﻌﻴﺎﺭﻱ ﻳﻜﺸﻒ ﻋﻦ ﻣﻬﺰﻟﺔ ” ﺍﻟﺘﺤﺎﻟﻒ ﺍﻟﺤﻜﻮﻣﻲ ” ﺍﻟﺬﻱ ﺣﺮﻡ ﺗﻮﻧﺲ ﻣﻦ 2000 ﻣﻠﻴﺎﺭ

0

المنبر التونسي (ياسين العياري)-ﻧﺸﺮ ﺍﻟﻨﺎﺋﺐ ﻳﺎﺳﻴﻦ ﺍﻟﻌﻴﺎﺭﻱ ﻳﻮﻡ ﺍﻣﺲ ﺍﻟﺘﺤﺪﻳﺜﺔ ﺍﻟﺘﺎﻟﻴﺔ :
ﻣﻬﺰﻟﺔ ﻓﻲ ﺍﻟﺒﺮﻟﻤﺎﻥ ! ﻣﻬﺰﻟﺔ ﻓﻲ ﺍﻟﺘﺼﻮﻳﺖ، ﺃﺣﺰﺍﺏ ﺍﻟﺤﻜﻮﻣﺔ ﻭ ﺯﻭﺍﺋﺪﻫﻢ، ﺗﺬﺑﺢ ﺗﻮﻧﺲ .
ﺷﻨﻴﺔ ﺍﻟﻘﺼﺔ؟
ﺍﻟﻴﻮﻡ ﻋﻨﺪﻧﺎ ﺗﺼﻮﻳﺖ ﻋﻠﻰ ﺍﻟﻘﺎﻧﻮﻥ ﻋﺪﺩ 7 ﻟﺴﻨﺔ .2020
ﺇﺗﻔﺎﻗﻴﺔ ﺃﻣﻤﻴﺔ، ﺻﺤﺤﺖ ﻋﻠﻴﻬﺎ ﺗﻮﻧﺲ ﻭ ﺗﻨﺘﻈﺮ ﻣﻮﺍﻓﻘﺔ ﺍﻟﺒﺮﻟﻤﺎﻥ ﻟﺘﺪﺧﻞ ﺣﻴﺰ ﺍﻟﺘﻨﻔﻴﺬ .
ﺍﻹﺗﻔﺎﻗﻴﺔ ﻫﺬﻩ ﺗﺎﺧﺬ ﺑﻤﻘﺘﻀﺎﻫﺎ ﺗﻮﻧﺲ 2000 ﻣﻠﻴﺎﺭ، ﻟﺼﻴﺎﻧﺔ ﺍﻟﺸﻄﻮﻁ ﻭ ﺍﻟﺒﻴﺌﺔ ﻋﻠﻰ ﻃﻮﻝ ﺍﻟﺸﺮﻳﻂ ﺍﻟﺴﺎﺣﻠﻲ .
ﻓﺎﻗﻮﺍ ﺍﻟﺰﻣﻼﺀ، ﺍﻟﻲ ﺍﻟﻜﻴﺎﻥ ﺍﻟﺼﻬﻴﻮﻧﻲ ﻋﻀﻮ ﻓﻲ ﺍﻷﻣﻢ ﺍﻟﻤﺘﺤﺪﺓ .
ﺑﻌﺾ ﺍﻟﺰﻣﻼﺀ، ﺍﻟﻲ ﻓﻲ ﺍﻟﺤﻜﻮﻣﺔ ﺍﻟﻲ ﻣﻘﺪﻣﺔ ﺍﻟﻘﺎﻧﻮﻥ، ﻓﻲ ﺷﻌﺒﻮﻳﺔ ﻭﺍﺿﺤﺔ ﻭ ﻣﺰﺍﻳﺪﺓ ﻓﺎﺭﻏﺔ، ﺇﻋﺘﺒﺮﻭﺍ ﺇﻥ ﺍﻹﺗﻔﺎﻗﻴﺔ ” ﺗﻄﺒﻴﻊ ” : ‏)
ﺍﻟﻤﺸﻜﻞ ﻭﻳﻦ؟ ﺍﻟﺼﻬﺎﻳﻨﺔ ﻣﺼﺤﺤﻴﻦ ﻋﻠﻰ ﺍﻹﺗﻔﺎﻗﻴﺔ، ﺑﻴﻨﺎ ﻭ ﺍﻻ ﺑﻼﺵ !
ﻛﻲ ﻃﺎﺣﺖ ﺍﻹﺗﻔﺎﻗﻴﺔ، ﺃﺣﻨﺎ ﺧﺴﺮﻧﺎ 2000 ﻣﻠﻴﺎﺭ ! ﻭﺍﻟﺼﻬﺎﻳﻨﺔ ؟ ﻣﺴﺘﻔﻴﺪﻳﻦ ﻣﻦ ﻛﻞ ﻧﺘﺎﺋﺠﻬﺎ .
ﻭ ﺍﻟﻀﺤﻚ ﻭﻳﻦ، ﻛﺎﻥ ﻫﺬﻩ ﺇﺗﻔﺎﻗﻴﺔ ﺃﻣﻤﻴﺔ ﺗﻄﺒﻴﻊ، ﺇﻣﺎﻟﺔ ﻻﺯﻡ ﻧﻨﺴﺤﺒﻮﺍ ﺯﺍﺩﺓ ﻣﻦ ﺇﺗﻔﺎﻗﻴﺔ ﺣﻘﻮﻕ ﺍﻟﻄﻔﻞ : ‏) ﻷﻧﻬﺎ ﻣﻦ ﺣﻴﺚ ﺍﻟﺸﻜﻞ ﺍﻟﻘﺎﻧﻮﻧﻲ = ﻛﻴﻒ ﻛﻴﻒ ﻭ ﺍﻟﺼﻬﺎﻳﻨﺔ ﻣﺼﺤﺤﻴﻦ ﻋﻠﻴﻬﺎ .
ﻧﻮﺍﺏ ﺍﻟﻨﻬﻀﺔ، ﻫﺎﺫﻭﻛﻢ ﺍﻟﻲ ﻗﺎﻟﻬﻢ ﺇﺳﻤﺎﻋﻴﻞ ﻫﻨﻴﺔ ﻣﺎ ﺗﺠﺮﻣﻮﺵ ﺍﻟﺘﻄﺒﻴﻊ : ‏)
ﻧﻮﺍﺏ ﺍﻟﻨﻬﻀﺔ، ﻫﺎﺫﻭﻛﻢ ﺍﻟﻲ ﻃﻴﺤﻮﺍ ﻋﻤﻨﺎﻭﻝ ﻗﺎﻧﻮﻥ ﺗﺠﺮﻳﻢ ﺍﻟﺘﻄﺒﻴﻊ : ‏)
ﻧﻮﺍﺏ ﺍﻟﻨﻬﻀﺔ، ﺍﻟﻲ ﺍﻟﺪﻭﺭﺓ ﺍﻟﻲ ﻓﺎﺗﺖ، ﺻﻮﺗﻮﺍ ﻋﻠﻰ ﻛﻞ ﺍﻹﺗﻔﺎﻗﻴﺎﺕ ﺍﻷﻣﻤﻴﺔ : ‏)
ﺍﻟﻴﻮﻡ، ﺿﻬﺮﻟﻬﻢ ﺍﻟﻌﻜﺲ : ‏)
ﺍﻟﺤﺼﻴﻠﺔ : ﺗﻮﻧﺲ ﺧﺴﺮﺕ 2000 ﻣﻠﻴﺎﺭ .
ﺷﺒﻌﻨﺎ ﻣﺰﺍﻳﺪﺍﺕ ﻭ ﻋﻨﺘﺮﻳﺎﺕ ﺑﺎﻟﻘﺪﺱ، ﻣﻦ ﻋﻨﺪ ﺍﻟﻨﺎﺱ ﺍﻟﻲ ﻋﻄﻠﺖ ﺃﻱ ﺣﺎﺟﺔ ﻋﻤﻠﻴﺔ ﻭ ﺣﻘﻴﻘﻴﺔ ﻟﻠﻘﺪﺱ ﻭ ﺑﺎﺭﺍﺷﻮﻛﺎﺗﻬﻢ .. ﺇﻣﺎ ﻋﻦ ﺟﻬﻞ ﺑﺎﻟﻤﻮﺿﻮﻉ ‏( ﻭﺿﺤﻪ ﺍﻟﻮﺯﻳﺮ ﺗﻤﺎﻣﺎ، ﻭ ﻋﻠﻰ ﻋﻜﺲ ﺍﻟﻌﺎﺩﺓ، ﻣﺪﺍﺧﻼﺕ ﺳﻠﻴﻢ ﺍﻟﻌﺰﺍﺑﻲ ﻭ ﺷﻜﺮﻱ ﺑﻠﺤﺴﻦ ﺍﻟﻴﻮﻡ ﻛﺎﻧﺖ ﻣﻘﻨﻌﺔ ‏) ﺃﻭ ﻋﻦ ﻟﺆﻡ .
ﻫﺬﺍ ﺍﻟﻜﻞ ﻋﻼﺵ؟ ﻧﺒﺰﻳﺎﺕ ﻭ ﺿﺮﺑﺎﻥ ﺣﺰﺍﻡ ﻓﻲ ﻭﺳﻂ ﺍﻹﺋﺘﻼﻑ ﺍﻟﺤﺎﻛﻢ، ﺗﺤﻀﻴﺮﺍ ﻟﻤﺎ ﺑﻌﺪ ﺍﻟﻜﻮﺭﻭﻧﺎ .
ﻓﻲ ﺃﻣﻞ ﻭ ﻋﻤﻞ ﻧﻌﺘﻘﺪ ﺃﻥ ﺧﻼﺹ ﻭ ﻣﺴﺘﻘﺒﻞ ﺗﻮﻧﺲ ﻫﻮ ﺃﻥ ﺗﻜﻮﻥ .. ﺧﻀﺮﺍﺀ ﺭﻗﻤﻴﺔ
ﺧﻀﺮﺍﺀ ﺧﺴﺮﺕ ﻣﻨﺬ ﻟﺤﻈﺎﺕ 2000 ﻣﻠﻴﺎﺭ ﻟﺼﻴﺎﻧﺔ ﻭ ﺣﻤﺎﻳﺔ ﺷﻄﻮﻃﻨﺎ ﻭ ﺳﺎﺣﻠﻨﺎ، ﻋﻼﺵ؟ ﺧﺎﻃﺮ ﺍﻹﺋﺘﻼﻑ ﺍﻟﺤﺎﻛﻢ ﻣﺘﻔﻜﻚ، ﻭ ﻳﺎﻝ ﺍﻟﻔﻀﻴﺤﺔ، ﻛﺬﺑﺎ ﺑﺈﺳﻢ ﺍﻟﻘﺪﺱ .
ﻧﻔﺲ ﺍﻟﺘﻔﻜﻚ ﺍﻟﻲ ﻃﻴﺤﻠﻨﺎ ﺇﺗﻔﺎﻗﻴﺔ ﺍﻟﺴﻮﻕ ﺍﻹﻓﺮﻳﻘﻴﺔ ﻛﺎﻥ ﺗﺘﻔﻜﺮﻭﻫﺎ .
ﺗﻮ ﻳﺴﻴﺒﻮﺍ ﺟﻤﺎﻋﺘﻬﻢ ﻳﻐﻠﻄﻮﺍ ﻓﻲ ﺍﻟﻌﺒﺎﺩ، ﻳﻨﺸﺮﻭﻥ ﺍﻟﺠﻬﻞ ﺣﻮﻝ ﺍﻹﺗﻔﺎﻗﻴﺔ، ﻛﺎﻥ ﻫﺬﻳﻜﺎ ﺗﻄﺒﻴﻊ، ﻻﺯﻡ ﺍﻟﻴﻮﻡ ﺗﻮﻧﺲ ﺗﻨﺴﺤﺐ ﻣﻦ ﻋﻀﻮﻳﺔ ﻣﺠﻠﺲ ﺍﻷﻣﻦ، ﺧﺎﻃﺮ ﺍﻟﺼﻬﺎﻳﻨﺔ، ﻓﻴﻪ .. ﻫﺬﺍ ﻣﻨﻄﻖ ﺍﻟﻴﻮﻡ، ﻣﻨﻄﻖ ﺃﻋﻮﺝ،ﺃﻋﺮﺝ، ﻣﺒﺘﺬﻝ، ﻳﺘﺎﺟﺮ ﺑﺎﻟﻘﻀﻴﺔ ﺍﻟﻔﻠﺴﻄﻴﻨﻴﺔ ﺑﺎﻃﻼ ﻭ ﺧﺴﺮﻧﺎ ﻓﻲ 2000 ﻣﻠﻴﺎﺭ ﻭ ﺣﻤﺎﻳﺔ ﺑﻴﺌﺘﻨﺎ .
ﺍﻟﻴﻮﻡ، ﻳﻮﻡ ﺑﺮﻟﻤﺎﻧﻲ ﺣﺰﻳﻦ ! ﻫﺎﻧﻲ ﻣﻌﺎﺭﺿﺔ ﻭ ﻧﺼﻮﺕ ﻟﻠﻘﺎﻧﻮﻥ ﻷﻧﻪ ﻓﻴﻪ ﻣﺼﻠﺤﺔ، ﻭ ﻫﺎﻧﻬﻢ ﺣﻜﻮﻣﺔ، ﻳﺼﻮﺗﻮﺍ ﺿﺪ، ﺑﻤﺰﺍﻳﺎﺩﺍﺕ ﺳﺨﻴﻔﺔ .
ﻳﻠﻌﺒﻮﺍ ﺑﺘﻮﻧﺲ .. ﻭ ﻫﺎ ﺃﻧﺘﻢ ﺗﻌﻠﻤﻮﻥ .
# ﺧﻀﺮﺍﺀ _ ﺭﻗﻤﻴﺔ
# ﺍﻟﺘﻄﺒﻴﻊ _ ﺧﻴﺎﻧﺔ _ ﻋﻈﻤﻰ
# ﻓﻬﻤﻮﻫﻢ _ ﺍﻟﺘﻄﺒﻴﻊ
# ﺷﻌﺒﻮﻳﺔ
# ﻋﺮﻙ _ ﺿﺮﺍﻳﺮ
# ﺃﻟﻔﻴﻦ _ ﻣﻠﻴﺎﺭ
‏( ﺇﺛﺮ ﺣﻤﻠﺔ ﺳﻴﻨﻴﺎﻝ ﻣﻜﺜﻔﺔ، ﻣﺎﺯﻟﺖ ﻣﻤﻨﻮﻋﺎ ﻣﻦ ﺍﻟﻔﺎﻳﺴﺒﻮﻙ ﺣﺘﻰ 11 ﺟﻮﺍﻥ، ﺍﻟﻨﺸﺮﻳﺎﺕ ﺗﺄﺗﻴﻜﻢ ﻋﺒﺮ ﻣﺸﺮﻑ ﺍﻟﺼﻔﺤﺔ .
ﺇﺫﺍ ﺑﻌﺜﺘﻠﻲ ﺭﺳﺎﻟﺔ ﻭ ﻣﺎ ﺟﺎﻭﺑﺘﻜﺶ، ﺭﺍﻧﻲ ﻓﻘﻂ ﻣﺎ ﺷﻔﺘﻬﺎﺵ ﺑﺴﺒﺐ ﺍﻟﺤﻀﺮ، ﺍﻟﺮﺟﺎﺀ ﺇﺳﺘﻌﻤﺎﻝ ﺣﺼﺮﺍ ﺍﻹﻣﺎﻳﻞ yassine.ayari@arp.tn ‏

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.