المنبر التونسي(سمير الوافي) – نشر الاعلامي سمير الوافي تدوينة عبر صفحته الرسمية “فيسبوك ” يوضح فيها ما تم تداوله حول خبري اختطافه.. ومضاربته في مادة “السميد”
وفي ما يلي نص التدوينة:
البارح خرجو علي زوز إشاعات فرد وقت…:
– الأولى أني إختفيت وتعرضت لعملية إختطاف…(وصلاح مصباح هو مصدر الخبر خاطر بالنسبة ليه اللي ما يهزش عليه التاليفون ما ينجم يكون كان مختطف ومختفي وفي خطر يمنعو من الرد على فخامتو…)
– والاشاعة الثانية هي أني نبيع في السميد خلسة ( الحمد لله موش الفارينة )…وتم حجز 260 كيلو سميد في منزلي في الحمامات ( منزلي اللي انا ما نعرفوش)…( والمصدر الجريدة الهزلية الساخرة تونس نيوز اللي كل مرة تحصّل البهايم حاشاكم اللي ما يفرقوش بين الجد والهزل )…
بربي اللي يصدّقو هذا الكل وينشروه وما يفرقوش بين موقع هزلي وموقع جدي…كيفاش يتجرؤوا يعطيو رايهم بكل ثقة في النفس…وكي نطفيهم يقولولي ما تقبلش النقد !!!!؟؟ تي ما نقبلش منهم حتى السلام !!!…
وكيفاش ينتخبو ويصوتو يختارولنا اللي يحكمونا أصلا !؟؟…
