حنان العش عن ادائها العمرة: “وكالة أسفار كلمتني قتلي نحبوا نعملوا إشهار للسعودية ووافقت”

المنبر التونسي (حنان العش) – تحدثت الاعلامية حنان العش في برنامج فكرة_سامي_الفهري عن تفاصيل ذهابها لأداء مناسك العمرة.

وقالت :

“فما وكالة أسفار كلمتني قتلي نحبوا نعملوا إشهار للسعودية كوجهة دينية، على هذاكا وافقت وكانت تجربة محلاها وأنا مقصدتش بيها البوز ووالناس قالولي ميصيرش… حبيت نوري للناس كيفاش تصير العمرة من أولها لآخرها … مشى معايا صحافي من TF1 تابع وكالة الأسفار بش صوروني .. كي روحت برشا كلموني كانو ماشين للمكسيك ولبلدان أخرى قالولي تأثرنا بستورياتك وبش نمشيو للعمرة … أنا نيتي صافية وربي حبني نزور مكة وهي حاجة مزيانة وفرحتني برشا… القلب أهم ماللبسة وبرشا مشاو للعمرة ومروحوش بالخمار … لبست الحجاب على خاتر إحتراما للمكان والإطار لكن في باقي البلايص لي مشيتلهم ملبستوش … أنا تفرهدت وأثرت في الناس وإن شاء الله نتحجب وربي يهديني وسامحوني كان معجبكمش إلي عملتوا”