المنبر التونسي (محمد بوغلاب) – تداولت بعض المواقع اشاعة وفاة رئيس الحكومة السابق الحبيب الصيد.
ونشر الإعلامي محمد بوغلاب ، اليوم الجمعة، تدوينة على صفحته بالفايسبوك تحدث فيها عن ما دار بينه وبين الصيد:
“قمت مخر شوية اليوم، اصلا شنوة الي يخليك تقوم بكري في بلادنا؟ حاشا الي ما يستاهلش كان الهم والغم، نلقى الدنيا مقلوبة، 3إذاعات اعلنت خبر وفاة الحبيب الصيد
صحيح الموت ما تشاور حد ولا راهي بالوجوه، اما استغربت شوية، نهار العيد كلمتو سي الحبيب ولاباس عليه والضحكة ولو خافتة ولكن كالعادة، واخو الدنيا ببساطة
هزبت التلفون وطلبتو، سالني سؤال ما عرفتش نجاوب عليه: قلي محمد، علاش يعملو هكة؟ هل آذيت حد حتى واني في السلطة؟ اليوم انا في داري ،علاش يعملو هكة؟
سامحني سي الحبيب، اخلاقنا الزفت هي الي تفسر الي صار ،
هذا هو ردي الي ما نجمتش نقولو مباشرة لسي الحبيب الصيد”.
