طالبة من “ذوي الاحتياجات الخصوصية” تمنع من الدراسة بسبب إدارة الجامعة

المنبر التونسي ( تعليم ) – أكدت الطالبة صفاء فحيل أصيلة قليبية من ولاية نابل ، اليوم الأربعاء 19 سبتمبر 2018 ، أن مديرة المعهد العالي للغات رفضت تركيز ممر خاص بذوي الاحتياجات الخصوصية بالمعهد لتتمكن من مواصلة دراستها .
وأوضحت صفاء في تدوينة نشرتها على شبكة التواصل الاجتماعي “الفايسبوك”، أن الممر متنقل ويمكن انتزاعه في أي وقت ولا يمثل أي مشكل، وأن مصاريف انجازه ستتحملها بالكامل.
وتوجهت بنداء للسلط المعنية ومنظمات المجتمع المدني بالتدخل العاجل لأنها مهددة بالانقطاع عن الدراسة بسبب رفض إدارة الجامعة .
تدوينة الطّالبة صفاء فحيّل
“لن أتخلى عن هدفي…
سأواصل حتى النهاية…
بش نبقى نحكي هكا حتى بعد ماحرموني من قرايتي حرموني باش نكون صاحبة إجازة أساسية في اللغة والآداب والحضارة العربية علاش،خاطرني حاملة لإعاقة عضوية موش قادرة إني نطلع في الجامعة الجامعة إلي تمنيت نلتحق باها.
إي نعم في بلادي ذوي الإحتياجات الخصوصية مايقراوش مايحلموش ماينجحوش كيفما أندادهم…
المعهد العالي للغات بنابل(جامعة قرطاج) حرمتني باش نكون طالبة ناجحة ،السيدة المديرة رفضت المطلب متاعي المتمثل في تخصيص ممر خاص بكرسيي المتحرك مع العلم أنني سأتحمل كامل مصاريف هذا الممر…
حرمتني من إنشاء الممر بدعوة إنو باش يعطل سير المارة وأنا موش قادرة حتى بش نتصل بالسيدة المديرة ونعلمها إنو الممر باش يتركب وقت الحاجة وبعد يتنحى….
وفي النهاية نحب نقول إلي أنا موش مستعدة نقص على قرايتي ومانيش مستعدة نمشي لمؤسسة أخرى بحكم إنو جامعة اللغات بنابل هي أقرب جامعة ليا وبحكم صحتي وظروف عائلتي منجمش نغير الجامعة…
نتمنى صوتي يوصل نكمل قرايتي وتكمل فرحتي وفرحت عائلتي وإعاقتي عمرها ما كانت حاجز قدامي”.