امير الدريدي يرد: “سمير الوافي ترجمتلو لقبو بالفرنسية ونقولو كلمة كلوشار ماتتقالش على استاذ مسرح كيفي”

0

المنبر التونسي(امير الدريدي) – علق الممثل المعني بالقضية أمير الدريدي في برنامج STAR TIME، على تدوينة الاعلامي “سمير الوافي التي قال فيها أنه سيرفع قضية ضده.

وقال امير “سمير الوافي كان ينجم يترفع على إجابتو ليا كان ينجم يقول فرخ صغير وفرحان بخدمتو ونقولو سمير حتى كان تغششت مني ماتتغشش أما مانجمش نعتذر منك خاطر مانيش غالط”.

وتابع “أنا ماسبيتش سمير الوافي ترجمتلو لقبو بالفرنسية ونقولو كلمة كلوشار ماتتقالش على استاذ مسرح كيفي”.
وأكد انه لا مشكلة شخصية له مع سمير الوافي.

وكان الوافي نشر هذه التدوينة:

يظهرلي طيحت قدري مع واحد كلوشار ردوه كومبارص في أفشل عمل تلفزي…وضحكو عليه التوانسة الكل لشدة سخافة وبلاهة آدائه…ومانيش باش نطيح قدري أكثر ونسميه…لكن نخلي القضاء يحاسبو على كل الشتائم المنحطة اللي كتبها وبعثوهالي توة صدفة…نهار الاثنين المحامي متاعي يرفع قضية ضد الكلوشار متاع التلفزة…اللي طول عمارنا ننقدو في أسيادو في التمثيل عمرو ما واحد منهم سبنا أو هددنا…لكن كي يدخلو الكلوشارات للميدان ونطيحو قدرنا معاهم…لازم كل نقد نعملوه يجاوبونا بالوسخ متاعهم…وبمستواهم المنحط…!

البقية في المحكمة يا توم كروز…يا ضُحكة التوانسة وتكركيرة الفايسبوك”.

ترك الرد

من فضلك ادخل تعليقك
من فضلك ادخل اسمك هنا

The reCAPTCHA verification period has expired. Please reload the page.