المنبر التونسي(لزهر الضاوي) – كتب الشاعر لزهر الضاوي قصيدة شعر بعنوان” رسالة “طمْأنة”.. لسعيدة العكرمي”.
وفي ما يلي نص القصيدة:
يا “سعيدة”.. راو مايموتش ..
يا “سعيدة”.. ماتبكيش..؟؟
“كيد الاعداء”.. فيه ما يحوكش..
ماكل “لحْم الخَفافيش”..!!
هزّيلو “شقالة بركوكش”..
مختومة بالطوماطيش..
شماتة في اللي ما يحبّوكش..
يبرَى..ويصحصح .. ويعيش..!!!
“النوري”.. “وزير العدل” الغالي..
باش يجي كيفو.. مافيش..؟!!
بلاد لقاها بلاش امّالي..
عبّاها الكلة ” دْعاشيش”..
صار “المجرم” قدرو عالي..
و”الارهابي”.. ربّى الريش..
يركض فيها كالخيّالي..
و”عمّي القاضي”.. ما يقضيش..؟؟!!
يا “سعدودة”.. تهني ونامي..
حق “النوري” مايمشيش..
معاه “الحزقي” و”المحامي”..
بقدرة ربي ماتخافيش..
وكل ساعة نكتشفو أسامي..
بعد “الدقلة” ولّوا “صيش”..
صاروا في الخط الأمامي..
في الدفاع ع “الحَفْتاريش”..؟؟!!
يا”سعدودة”..خوذي كلامي..
“سعيّد”..راو ما يخوّفنيش..
واذا جوا قالولك امضي..
بالك..بالك.. ما تمضيش..؟؟؟
يا “سعيدة” ..راو ما يموتش..
يا “سعيدة”..ماتبكيش..؟؟!!
(قفصة 2022/01/03)
