نور شيبة يكذب نوال غشام: “لا يا نوال هكة تولي تغلط في الناس وتقول في حاجات موش صحيحة”

المنبر التونسي(نور شيبة) – علق الفنان نور شيبة على تصريحات الفنانة نوال غشام في برنامج لمن يسهر فقط .
وقال نور شيبة ما يلي:
لا يا نوال عيش أختي هكة تولي تغلط في الناس وتقول في حاجات موش صحيحة خاطر صحيح كانت بيناتنا مشكل أنا عمري ما طلبت منك السماح خاطر أنا صاحب حق بالوثائق وكل شي موثق ما غير ما ندخل في التفاصيل واي واحد صاحب حق عمرو ما يطلب السماح بل بالعكس وباش نصلحلك انا الي طلبتك قبل وصفيت قلبي وقت راجلك توفى الله يرحمو وعزيتك ورجع علية أصلي رغم الخلاف الي بيناتنا حاجة اخرى صحيح انت كلمتني وقت إلي أنا مرضت وباركالله فيك الي سالت علية اما راني ما بكيتلكش في التالفون ما فماش علاش باش نبكيلك ونطلب منك السماح وقت الي انا لا ضلمتك لا كليتلك حقك ونعاود نفكرك الي انا هو صاحب حق وبالرغم هذا الكل وقتلي جاتني فكرة النقابة هزيت التالفون وكلمتك باش تكون في مجموعة الفنانين الي انا اتصلت بيهم ما فهمتش علاش تعمل في تصريح لا ساس لا راس ربي يهديك وكهو